មនុស្សរាប់ពាន់នាក់ ធ្វើបាតុកម្មក្នុងទីក្រុងប៉ារីស ទាមទារឲ្យលោក Macron ចុះចេញពីតំណែង

បាតុករ​រាប់​ពាន់​នាក់ ​បាន​ប្រមូល​ផ្តុំ​គ្នា​នៅ​ទីលាន Palais-Royal ក្នុង​ទីក្រុង​ប៉ារីស តាម​ការ​អំពាវនាវ​ពី​គណបក្ស​ស្តាំ​និយម Patriots ដើម្បី​ទាមទារ​ឲ្យ​ប្រធានាធិបតី​បារាំង លោក Emmanuel Macron ចុះ​ចេញ​ពី​តំណែង។

បន្ទាប់​ពី​បាតុកម្ម​លើក​ដំបូង​នៅ​ថ្ងៃ​ទី​៣ខែ​កញ្ញា គណបក្ស Patriots ​បាន​ចេញ​ការ​អំពាវនាវ​ថ្មី​ឲ្យ​ប្រជាជនដើរតវ៉ា​តាម​ដង​ផ្លូវ។ ក្រុមសកម្មជនបានអំពាវនាវឲ្យលោក Macron ចុះចេញពីតំណែង ហើយដកខ្លួនចេញពីសហភាពអឺរ៉ុប និងអង្គការណាតូ។

ការស្ទង់មតិចុងក្រោយរបស់ Elabe បានបង្ហាញថា ការគាំទ្រចំពោះការដាក់ទណ្ឌកម្មប្រឆាំងនឹងប្រទេសរុស្ស៊ី គឺកំពុងធ្លាក់ចុះក្នុងចំណោមប្រជាជនបារាំង ដោយមានតែ៤០% ប៉ុណ្ណោះដែលនិយាយថា ពួកគេពេញចិត្តចំពោះវិធានការរឹតត្បិតប្រឆាំងទីក្រុងមូស្គូ។

ទន្ទឹមនឹងនេះ អ្នកឆ្លើយសំណួរ ៣២% ជឿថា ទណ្ឌកម្មគួរតែត្រូវបានកំណត់ ដើម្បីកាត់បន្ថយផលប៉ះពាល់ទៅលើជីវិតប្រចាំថ្ងៃរបស់ប្រជាជនបារាំង ខណៈពេល២៧% នៃអ្នកឆ្លើយតបបាននិយាយថា ពួកគេប្រឆាំងនឹងទណ្ឌកម្មសេដ្ឋកិច្ច។

ចាប់តាំងពីឆ្នាំ២០២១មក តម្លៃថាមពលនៅអឺរ៉ុបបានកើនឡើងយ៉ាងគំហុក។ បន្ទាប់ពីការចាប់ផ្តើមប្រតិបត្តិការយោធារបស់រុស្ស៊ីនៅអ៊ុយក្រែន ក្នុងខែកុម្ភៈឆ្នាំ២០២២ និងការអនុម័តកញ្ចប់ទណ្ឌកម្មជាច្រើនប្រឆាំងនឹងទីក្រុងមូស្គូដោយលោកខាងលិច តម្លៃប្រេងឥន្ធនៈបានហក់ឡើងខ្ពស់ ជាហេតុជំរុញឲ្យរដ្ឋាភិបាលអឺរ៉ុបជាច្រើន ងាកទៅរកវិធានការបន្ទាន់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក Macron ត្រូវពលរដ្ឋបារាំងគប់ប៉េងប៉ោះដាក់ ក្រោយជាប់ឆ្នោតមិនបានប៉ុន្មានថ្ងៃ