តៃវ៉ាន់ ចេញការព្រមានរលកយក្សស៊ូណាមិ ខណៈជួបគ្រោះរញ្ជួយដីកម្រិត ៦.៩ រ៉ិចទ័រ 

រលកយក្សស៊ូណាមិដ៏គ្រោះថ្នាក់ អាចកើតមាននៅតាមបណ្តោយឆ្នេរសមុទ្រ ដែលស្ថិតក្នុងរង្វង់ចម្ងាយ ៣០០គីឡូម៉ែត្រនៃការរញ្ជួយដីកម្រិត ៦.៩ រ៉ិចទ័រ ដែលបានវាយប្រហារភាគអាគ្នេយ៍កោះតៃវ៉ាន់នៅថ្ងៃអាទិត្យទី ១៨ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារឧតុនិយមជប៉ុន ក៏បានចេញការព្រមានអំពីរលកយក្សស៊ូណាមិផងដែរ សម្រាប់កោះ Miyako នៅក្នុងសមុទ្រចិនខាងកើត បន្ទាប់ពីគ្រោះរញ្ជួយដីជម្រៅ ១០ គីឡូម៉ែត្រដែលបានវាយប្រហារស្រុក Yujing របស់ តៃវ៉ាន់។

ទីភ្នាក់ងារសារព័ត៌មានកណ្តាល (CNA) របស់កោះនេះ បានរាយការណ៍ថា មនុស្សបីនាក់កំពុងជាប់នៅក្រោមគំនរបាក់បែកនៃអគារមួយ។

រដ្ឋបាលផ្លូវដែកតៃវ៉ាន់និយាយថា អ្នកដំណើរប្រហែល ២០ នាក់ត្រូវបានជម្លៀសចេញ បន្ទាប់ពីរថភ្លើងមួយខ្សែ រត់ធ្លាក់ផ្លូវនៅក្នុងតំបន់នេះ ប៉ុន្តែមិនមានអ្នករងរបួសឡើយ៕

ប្រែសម្រួល៖ Vann Vann

ប្រភព៖ CNN

ចុចអាន៖ បាក់ដីនៅ នេប៉ាល់ ឆក់យកជីវិតមនុស្ស ២២នាក់