ព័ត៌មានអន្ដរជាតិ
បើកមហាសន្និបាត UN, លោក Guterres ព្រមានថា ពិភពលោក កំពុងស្ថិតក្នុងគ្រោះថ្នាក់ (មានវីដេអូ)
អគ្គលេខាធិការអង្គការសហប្រជាជាតិលោក លោក Antonio Guterres បានផ្តល់ការវាយតម្លៃអំពីកិច្ចការពិភពលោក នៅក្នុងសុន្ទរកថាបើកកិច្ចប្រជុំថ្នាក់ខ្ពស់ប្រចាំឆ្នាំ នៅទីក្រុងញូវយ៉ក កាលពីថ្ងៃអង្គារទី២០ខែកញ្ញា។
![](https://www.kampucheathmey.com/wp-content/uploads/2022/09/image-1105.png)
លោក Guterres បានប្រាប់មេដឹកនាំពិភពលោក ដែលចូលរួមមហាសន្និបាតអង្គការសហប្រជាជាតិលើកទី៧៧ថា “ពិភពលោករបស់យើងកំពុងស្ថិតក្នុងគ្រោះថ្នាក់ និងជាប់គាំង”។
លោកនិយាយថា “យើងជាប់គាំងក្នុងភាពមិនប្រក្រតីជាសកល។ សហគមន៍អន្តរជាតិ មិនទាន់ត្រៀមខ្លួនរួចរាល់ ឬមានឆន្ទៈក្នុងការដោះស្រាយបញ្ហា ដែលខ្លួនកំពុងប្រឈមមុខ រួមទាំងការប្រែប្រួលអាកាសធាតុ ភាពក្រីក្រ និងសង្គ្រាមនោះទេ”។
![](https://www.kampucheathmey.com/wp-content/uploads/2022/09/image-1106.png)
ការកត់សម្គាល់នេះកើតឡើង ចំពេលដែលអឺរ៉ុប កំពុងដោះស្រាយជម្លោះយោធាដ៏ធំបំផុតរបស់ខ្លួនចាប់តាំងពីសង្គ្រាមលោកលើកទី២ ដែលនាំឲ្យមានការខ្វែងគំនិតគ្នា ក្នុងចំណោមមហាអំណាចធំៗអំពីរបៀបរារាំងរុស្ស៊ី គាំទ្រអ៊ុយក្រែន និងកាត់បន្ថយផលវិបាកនៃសង្គ្រាម។
កាលពីខែកុម្ភៈ កងទ័ពរុស្ស៊ីបានចាប់ផ្តើមការលុកលុយទឹកដីអ៊ុយក្រែន បន្ទាប់ពីការកសាងយោធាបន្តិចម្តងៗ នៅតាមព្រំដែនអតីតអ្នកជិតខាងសូវៀត អស់រយៈពេលជិត៥ខែ។
![](https://www.kampucheathmey.com/wp-content/uploads/2022/09/image-1107.png)
សង្រ្គាមរបស់រុស្ស៊ីនៅអ៊ុយក្រែន ដែលអូសបន្លាយពេលជាង២០០ថ្ងៃមកហើយនោះ បានបណ្តាលឲ្យវិបត្តិស្បៀងអាហារពិភពលោកកាន់តែធ្ងន់ធ្ងរឡើងៗ។ ជម្លោះនេះបានឆក់យកជីវិតជនស៊ីវិលជាង៦០០០នាក់ និងធ្វើឲ្យទីក្រុងអ៊ុយក្រែនជាច្រើន ប្រែក្លាយទៅជាគំនរបាក់បែក។
លោក Guterres បានប្រាប់មេដឹកនាំដែលអង្គុយក្នុងសាលមហាសន្និបាតថា “ការបែងចែកភូមិសាស្ត្រនយោបាយ កំពុងធ្វើឲ្យខូចដល់ការងាររបស់ក្រុមប្រឹក្សាសន្តិសុខ ធ្វើឲ្យខូចដល់ច្បាប់អន្តរជាតិ ធ្វើឲ្យខូចទំនុកចិត្ត និងជំនឿរបស់ប្រជាជនចំពោះស្ថាប័នប្រជាធិបតេយ្យ ធ្វើឲ្យខូចទ្រង់ទ្រាយនៃកិច្ចសហប្រតិបត្តិការអន្តរជាតិ។ យើងមិនអាចបន្តបែបនេះបានទេ”។
![](https://www.kampucheathmey.com/wp-content/uploads/2022/09/image-1108.png)
បន្ថែមពីលើសង្គ្រាមរបស់រុស្ស៊ីនៅអ៊ុយក្រែន ប្រមុខ UN បានជំរុញឲ្យមេដឹកនាំពិភពលោក ដោះស្រាយវិបត្តិអាកាសធាតុដែលកំពុងកើតឡើង វិសមភាពយេនឌ័រ និងភាពក្រីក្រ។ លោកបានជំរុញមេដឹកនាំទាំងឡាយ ឲ្យវិនិយោគលើគោលនយោបាយដែលជំរុញសន្តិភាពជុំវិញពិភពលោក។
លោក Guterres និយាយថា “ជំនឿចិត្តបានធ្លាក់ចុះ វិសមភាពកំពុងផ្ទុះឡើង ភពផែនដីរបស់យើងកំពុងឆេះ។ សូមធ្វើការងារជាធ្លុងមួយ ជាសម្ព័ន្ធរបស់ពិភពលោក ជាអង្គការសហប្រជាជាតិ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNBC
ចុចអាន៖ UN អំពាវនាវសុំជំនួយជួយប៉ាគីស្ថាន ខណៈទីក្រុង អ៊ីស្លាម៉ាបាដ ថាខ្លួន ត្រូវការថវិកាគ្មានកំណត់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ