ព័ត៌មានអន្ដរជាតិ
ព្យុះចំនួន១០ទៀត នឹងវាយប្រហារប្រទេស វៀតណាម, អាចបង្កឲ្យបាក់ដី និងទឹកជំនន់ (មានវីដេអូ)
ព្យុះរហូតដល់ទៅ១០ ត្រូវបានគេព្យាករណ៍ថា នឹងវាយប្រហារសមុទ្រវៀតណាមខាងកើត ក្នុងរយៈពេលប៉ុន្មានខែទៀតនៃឆ្នាំ២០២២នេះ ដែលភាគច្រើននឹងកើតឡើងនៅក្នុងខែតុលា និងវិច្ឆិកា។
នាពេលថ្មីៗនេះ ឧបនាយករដ្ឋមន្ត្រី Le Van Thanh ប្រធានគណៈកម្មាធិការជាតិដឹកនាំការទប់ស្កាត់ និងគ្រប់គ្រងគ្រោះមហន្តរាយធម្មជាតិ បានផ្ញើឯកសារទៅអាជ្ញាធរតាមខេត្ត ក្រុង ទាក់ទងនឹងការឆ្លើយតបចំពោះគ្រោះមហន្តរាយធម្មជាតិ នៅប៉ុន្មានខែចុងក្រោយនៃឆ្នាំនេះ។
ឯកសារនោះបានបញ្ជាក់ថា គ្រោះធម្មជាតិបានកើតឡើងម្តងហើយម្តងទៀតនៅក្នុងតំបន់ជាច្រើនចាប់តាំងពីដើមឆ្នាំមក ដែលបានបង្កការខូចខាតយ៉ាងខ្លាំងដល់អាយុជីវិត ទ្រព្យសម្បត្តិ និងផលិតកម្មរបស់អ្នកស្រុក។ ស្ថានភាពនឹងបន្តមានភាពស្មុគស្មាញ និងមិនអាចទាយទុកជាមុនបាន នៅក្នុងខែដែលនៅសល់នៃឆ្នាំ២០២២នេះ។
ដោយដកស្រង់ប្រភពពីមជ្ឈមណ្ឌលជាតិសម្រាប់ការព្យាករណ៍ឧតុនិយម ឯកសារនេះបាននិយាយថា ព្យុះប្រហែល៨ទៅ១០នឹងបោកបក់លើសមុទ្រវៀតណាមខាងកើត ហើយក្នុងនោះ មានព្យុះ ៥អាចប៉ះពាល់ដោយផ្ទាល់ដល់ដីគោករបស់ប្រទេសនេះ។
ភ្លៀងធ្លាក់នៅតំបន់ភាគខាងជើង កណ្តាល និងតំបន់ខ្ពង់រាបកណ្តាល នឹងមានកម្រិតខ្ពស់ជាងមធ្យម ដែលបង្កហានិភ័យខ្ពស់នៃជំនន់ទឹកភ្លៀង ការរអិលបាក់ដី និងការជន់លិច។
ដើម្បីបង្ការ និងឆ្លើយតបឲ្យបានត្រឹមត្រូវចំពោះគ្រោះមហន្តរាយធម្មជាតិនាពេលខាងមុខ ក៏ដូចជាជម្នះផលវិបាក លោក Thanh បានស្នើឲ្យគ្រប់មូលដ្ឋាន រៀបចំការត្រៀមលក្ខណៈចាំបាច់ ធ្វើបច្ចុប្បន្នភាពលើការវិវត្តនៃអាកាសធាតុ និងផ្តល់អាទិភាពដល់ការការពារអាយុជីវិតរបស់ប្រជាជន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ ព្យុះ Lionrock កំពុងហោះសំដៅទៅ វៀតណាម
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា