ព័ត៌មានអន្ដរជាតិ
ចិន ព្រមានថា សង្រ្គាមត្រជាក់ជាមួយអាមេរិក នឹងក្លាយជាមហន្តរាយសម្រាប់ពិភពលោកទាំងមូល (មានវីដេអូ)
រដ្ឋមន្ត្រីការបរទេសលោក Wang Yi បាននិយាយថា ទស្សនៈរបស់ទីក្រុងវ៉ាស៊ីនតោន ចំពោះប្រទេសចិនគឺ “ខុសទាំងស្រុង” ហើយថា ទីក្រុងប៉េកាំង មិនគួរត្រូវបានគេមើលឃើញថាជា គូប្រកួតប្រជែងនោះទេ។

បន្ទាប់ពីជួបជាមួយអតីតរដ្ឋមន្ត្រីការបរទេសអាមេរិក Henry Kissinger កាលពីថ្ងៃចន្ទទី១៩ខែកញ្ញា, រដ្ឋមន្ត្រីការបរទេសចិន លោក Wang Yi បានព្រមានថា សង្រ្គាមត្រជាក់រវាងចិន និងអាមេរិក នឹងក្លាយជា “មហន្តរាយ” សម្រាប់ប្រជាជាតិទាំងពីរ និងពិភពលោកទាំងមូល។
លោក Wang Yi បានហៅលោក Kissinger ដែលដើរតួសំខាន់ក្នុងការជួសជុលទំនាក់ទំនងរវាងទីក្រុងវ៉ាស៊ីនតោន និងទីក្រុងប៉េកាំងក្នុងទសវត្សរ៍ឆ្នាំ១៩៧០ ថាជា “មិត្តល្អរបស់ប្រជាជនចិន”។

ទោះបីជាយ៉ាងណាក៏ដោយ អ្នកការទូតកំពូលរបស់ទីក្រុងប៉េកាំង បានចេញការព្រមានដោយនិយាយថា “ការចាប់ផ្តើមនៃសង្គ្រាមត្រជាក់ថ្មី នឹងក្លាយជាមហន្តរាយសម្រាប់ប្រទេសចិន និងសហរដ្ឋអាមេរិក ក៏ដូចជាតំបន់ផ្សេងទៀតនៃពិភពលោកដែរ។ ទន្ទឹមនោះ លោកបានជំរុញឲ្យទីក្រុងវ៉ាស៊ីនតោន ចាត់វិធានការសមស្រប និងជាក់ស្តែងចំពោះប្រទេសចិន។
លោក Wang ថ្លែងថា ក្រោមគោលនយោបាយ “ចិនតែមួយ” ទីក្រុងវ៉ាស៊ីនតោនអាចធ្វើកិច្ចការនេះ ដោយរក្សាការទទួលស្គាល់លើកមុនរបស់ខ្លួន តៃវ៉ាន់គឺជាផ្នែកមួយនៃទឹកដីរបស់ចិន។

លោក Wang Yi អះអាងថា ដំណើរទស្សនកិច្ចនាពេលថ្មីៗនេះរបស់លោកស្រី Nancy Pelosi ទៅកាន់កោះតៃវ៉ាន់ និងច្បាប់គោលនយោបាយតៃវ៉ាន់ឆ្នាំ២០២២ ដែលអនុម័តដោយសភាអាមេរិក គឺជារឿងមិនល្អទាល់តែសោះសម្រាប់ទំនាក់ទំនងរវាងចិន-អាមេរិក។
គួរបញ្ជាក់ថា ការអះអាងរបស់លោក Wang ធ្វើឡើងបន្ទាប់ពីសេចក្តីប្រកាសរបស់ប្រធានាធិបតីអាមេរិកលោក Joe Biden កាលពីថ្ងៃអាទិត្យដែលថា កងកម្លាំងអាមេរិកនឹងការពារកោះតៃវ៉ាន់ ក្នុងករណីដែលចិនឈ្លានពាន។ ទីក្រុងប៉េកាំងបានសម្តែងការមិនសប្បាយចិត្តចំពោះសេចក្តីប្រកាសនេះ ដោយបញ្ជាក់ថា ខ្លួនសូមជំទាស់យ៉ាងដាច់អហង្ការ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ចិនព្រមានអាមេរិក ថា សង្គ្រាម ច្បាស់ជាផ្ទុះឡើង បើតៃវ៉ាន់ ប្រកាសឯករាជ្យ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ