ថៃ ព្រមានពលរដ្ឋឲ្យប្រយ័ត្ន ខណៈភ្លៀងធ្លាក់ខ្លាំងនឹងវាយប្រហារស្ទើរទូទាំងប្រទេស 

យោងតាមនាយកដ្ឋានឧតុនិយមថៃបានឲ្យដឹងថា ភ្លៀងធ្លាក់ខ្លាំង នឹងបន្តនៅក្នុងខេត្តចំនួន ៦២ រួមទាំងទីក្រុងបាងកកផងដែរ នៅថ្ងៃសុក្រនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការព្យាករណ៍ នៅថ្ងៃសុក្រនេះ ខ្យល់មូសុងនឹងបក់បោកទៅតំបន់ភាគខាងជើង និងវាលទំនាប ខណៈខ្យល់មូសុងនិរតីកម្រិតមធ្យម កំពុងបោកបក់លើសមុទ្រ Andaman, តំបន់ភាគខាងត្បូង និងឈូងសមុទ្រថៃ។

នាយកដ្ឋាន​បាន​ចេញការព្រមាន ​ដល់​ប្រជាពលរដ្ឋ​ក្នុង​តំបន់​ទាំង​នេះ​ ឲ្យ​ត្រៀម​ខ្លួន​សម្រាប់​ភ្លៀង​ធ្លាក់​ខ្លាំង ជំនន់ទឹកភ្លៀង​ដែល​អាច​កើត​ឡើង និងទឹកហូរ​កាត់​ព្រៃឈើ ជាពិសេស​នៅតាម​តំបន់​ទំនាប ​តំបន់​ជាប់​ជើងភ្នំ និង​ក្បែរ​ផ្លូវ​ទឹក។

ទីភ្នាក់ងារអាកាសធាតុបានព្យាករណ៍ថា ៨០%នៃទីក្រុងបាងកក នឹងជួបភ្លៀងធ្លាក់ធ្ងន់ធ្ងរ ជាមួយនឹងខ្យល់បក់ខ្លាំងនៅតំបន់មួយចំនួន ហើយសីតុណ្ហភាពជាមធ្យមមានចាប់ពី ២១ទៅ ៣៣អង្សាសេ។

ខ្យល់បោកបក់ខ្លាំង ត្រូវបានគេរំពឹងថានឹងបង្កឲ្យមានរលកសមុទ្រកម្ពស់រហូតដល់ទៅ ២ម៉ែត្រនៅក្នុងសមុទ្រ Andaman និងឈូងសមុទ្រថៃ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ ប្រាប់ប្រជាពលរដ្ឋ ឲ្យត្រៀមខ្លួនជម្លៀស ខណៈស្ថានភាពនៅទំនប់ទឹកចំនួន១៣ កាន់តែមិនស្រួល