ថៃ ជម្លៀសមនុស្សជាង ១ពាន់នាក់នៅដៃទន្លេមេគង្គ បន្ទាប់ពីទឹក ហក់ឡើងផុតច្រាំង

កាលពីថ្ងៃសុក្រទី២៣ខែកញ្ញា ទឹក​ទន្លេ Mun បានឡើងផុត​ច្រាំង ជាហេតុបង្កឲ្យ​មាន​ទឹកជំនន់​ភ្លាមៗ​នៅ​ខេត្ត Ubon Ratchathani ភាគ​ឦសាន​ប្រទេស​ថៃ។ មនុស្សសរុប ១០១៥នាក់ ត្រូវបានជម្លៀសចេញពីផ្ទះរបស់ពួកគេ។

កម្រិតទឹករបស់ទន្លេនេះ ដែលជាដៃទន្លេមេគង្គ បានហក់ឡើងខ្ពស់ក្នុងរយៈពេលប៉ុន្មានខែចុងក្រោយ។

ទឹកជំនន់បានបង្ខំឲ្យមានការជម្លៀសប្រជាជនចំនួន ៥១សហគមន៍ក្នុងឃុំចំនួន ១១ របស់ស្រុក Warin Chamrap។

ក្រុមអ្នកស្ម័គ្រចិត្ដមកពីមូលនិធិ Sawang Bucha Dharma Sathan បានធ្វើប្រតិបត្តិការឆ្លងកាត់តាមទឹកលិចកម្ពស់ត្រឹមទ្រូង ដើម្បីជម្លៀសគ្រួសាររងគ្រោះ ចេញតាមទូក។

ទឹកជំនន់នេះ ក៏​បានបំផ្លាញផ្ទៃដី​កសិកម្ម​ជាង ១០៨០០ ហិកតា ដោយប៉ះពាល់​យ៉ាងខ្លាំង​ដល់​ជីវភាព​កសិករ​ផងដែរ។

ស្របពេលជាមួយគ្នានោះដែរ ក្រុមមន្ត្រីបានព្រមានឲ្យប្រុងប្រយ័ត្ន ខណៈកម្ពស់ទឹកទន្លេមេគង្គនៅតែកើនឡើង៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ព្រមានពលរដ្ឋឲ្យប្រយ័ត្ន ខណៈភ្លៀងធ្លាក់ខ្លាំងនឹងវាយប្រហារ ស្ទើរទូទាំងប្រទេស