ព័ត៌មានអន្ដរជាតិ

កូរ៉េខាងជើង បាញ់មីស៊ីលចូលសមុទ្រ ជប៉ុន

បានផុស

៣ years មុន

នៅ

ថ្ងៃអាទិត្យ ២៥ កញ្ញា ២០២២

ដោយ

ទីភ្នាក់ងារសារព័ត៌មានកូរ៉េខាងត្បូង Yonhap បានរាយការណ៍នៅថ្ងៃអាទិត្យនេះថា ប្រទេសកូរ៉េខាងជើងបានបាញ់មីស៊ីលផ្លោងរយៈចម្ងាយខ្លីចូលទៅក្នុងសមុទ្រជប៉ុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសៅរ៍ ទីភ្នាក់ងារសារព័ត៌មានបានរាយការណ៍ថា ថ្មីៗនេះ យោធាកូរ៉េខាងត្បូងបានរកឃើញសញ្ញាដែលអាចកើតមាននៃការត្រៀមរៀបចំសម្រាប់ការបាញ់បង្ហោះកាំជ្រួចមីស៊ីលផ្លោងចេញពីនាវាមុជទឹក (SLBM) នៅក្នុងទីក្រុង Sinpo របស់កូរ៉េខាងជើង ។

ទីភ្នាក់ងារសារព័ត៌មាន Yonhap បានរាយការណ៍ទៀតថា ការបាញ់បង្ហោះកាំជ្រួចមីស៊ីលនេះបានធ្វើឡើង ចំពេលដែលក្រុមនាវាផ្ទុកយន្តហោះ USS Ronald Reagan របស់អាមេរិកមកដល់កំពង់ផែនៃទីក្រុង Busan របស់កូរ៉េខាងត្បូង ដើម្បីចូលរួមក្នុងសមយុទ្ធរួមជាមួយនឹងកងទ័ពជើងទឹកកូរ៉េខាងត្បូង ដែលនឹងត្រូវធ្វើឡើងនៅសមុទ្រជប៉ុននៅចុងខែនេះ ។

កូរ៉េខាងជើងបានបង្កើនការបាញ់មីស៊ីលផ្លោង និងកាំជ្រួចផ្សេងទៀតក្នុងឆ្នាំ ២០២២ នេះ ខណៈចាប់តាំងពីដើមឆ្នាំមក ទីក្រុងព្យុងយ៉ាងបានបាញ់មីស៊ីលចំនួន ១៨ គ្រាប់ បើធៀបនឹងកាំជ្រួចចំនួន ៨ គ្រាប់កាលពីឆ្នាំមុន ។

យោងតាមយុទ្ធនាការអន្តរជាតិដើម្បីលុបបំបាត់អាវុធនុយក្លេអ៊ែរ (ICAN) បានឲ្យដឹងថា កូរ៉េខាងជើងបានចំណាយទឹកប្រាក់ ១,២២១ ដុល្លារក្នុងមួយនាទីលើកម្មវិធីនុយក្លេអ៊ែររបស់ខ្លួនក្នុងឆ្នាំ ២០២១ ឬសរុបចំនួន ៦៤២ លានដុល្លារ ។

ICAN បានប៉ាន់ប្រមាណទៀតថា កូរ៉េខាងជើងមានក្បាលគ្រាប់នុយក្លេអ៊ែរចំនួន ២០ ហើយក្រុងព្យុងយ៉ាងកំពុងអភិវឌ្ឍមីស៊ីលដែលមានសមត្ថភាពនុយក្លេអ៊ែរដែលអាចបាញ់ចេញពីដីគោក និងពីនាវាមុជទឹក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Zelensky ថា ការកែនទ័ពរបស់លោក ពូទីន បង្ហាញពី “ការដួលរលំ” របស់ រុស្ស៊ី នៅ អ៊ុយក្រែន