រុស្ស៊ី ចេញច្បាប់ថ្មី ដាក់ទោសអ្នកបដិសេធមិនធ្វើទាហាន

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានចុះហត្ថលេខាលើវិសោធនកម្មច្បាប់ដែលដាក់ទណ្ឌកម្មកាន់តែតឹងរ៉ឹង ចំពោះការរត់ចោលជួរ និងគេចវេសពីការកែន ។

ជន​ណា​ដែល​បដិសេធ​មិន​​ធ្វើ​ជា​ទាហាន ភៀសខ្លួន​ចេញពី​យោធា មិន​គោរព ឬ​ប្រឆាំង​នឹង​ការ​បញ្ជា​នឹង​ត្រូវ​ផ្ដន្ទាទោស​ដាក់​ពន្ធនាគារ​រហូត​ដល់ ១៥ ឆ្នាំ ។

វិសោធនកម្មច្បាប់នេះត្រូវបានអនុវត្ត ក្នុងអំឡុងពេលសង្រ្គាម ច្បាប់អាជ្ញាសឹក និងការកែនទ័ព ហើយការដាក់ទណ្ឌកម្មត្រូវអនុវត្តចំពោះទាំងទាហានបម្រុងដែលបានកែន និងទាហានអាជីព ។

យោធារុស្ស៊ី ត្រូវបានគេនិយាយថា ប្រឈមមុខនឹងការខ្វះខាតបុគ្គលិកយ៉ាងធ្ងន់ធ្ងរ ខណៈដែលទាហានមួយចំនួនបដិសេធមិនព្រមប្រយុទ្ធនៅអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ថា ការកែនទ័ពរបស់លោក ពូទីន បង្ហាញពី “ការដួលរលំ” របស់ រុស្ស៊ី នៅ អ៊ុយក្រែន