កាសែតអ៊ីស្រាអែល ដាក់ឈ្មោះលោក Zelensky ជាជនជាតិជ្វីហ្វ មានឥទ្ធិពលបំផុតលើលោក

កាសែតអ៊ីស្រាអែល (Jerusalem Pos) បានដាក់ឈ្មោះប្រធានាធិបតីអ៊ុយក្រែន លោក Volodymyr Zelensky ជាជនជាតិជ្វីហ្វ ដែលមានឥទ្ធិពលបំផុតនៅលើពិភពលោកក្នុងឆ្នាំ ២០២២។

កាសែត​អ៊ីស្រាអែល​បាននិយាយ​ទៀត​ថា “មិនមានមេដឹកនាំនយោបាយច្រើនទេ ដែលយល់ថាខ្លួនឯងទទួលបានឋានៈបែបនេះ ប៉ុន្តែប្រធានាធិបតីអ៊ុយក្រែន Volodymyr Zelensky បានក្លាយជាមនុស្សម្នាក់ ក្នុងចំណោមពួកគេនៅឆ្នាំនេះ” ។

បញ្ជីឈ្មោះអ្នកដែលមានឥទ្ធិពលបំផុតនេះ មានមនុស្សរហូតដល់ទៅ ៥០ នាក់ មកពីគ្រប់មជ្ឈដ្ឋាន ពោលចាប់ពីអ្នកនយោបាយ អ្នកកម្សាន្តរហូតដល់អ្នកវិទ្យាសាស្រ្ត និងសហគ្រិនជាដើម ។

ដោយឡែក​ នាយករដ្ឋមន្ត្រីចាំផ្ទះអ៊ីស្រាអែល Yair Lapid នាយករដ្ឋមន្ត្រីបារាំង Elizabeth Borne បេសកជនអាមេរិកប្រចាំប្រទេសអ៊ីស្រាអែល Tom Nides និងអតីតមេដឹកនាំអ៊ីស្រាអែល Benjamin Netanyahu ឈរនៅកំពូលទាំង ៥ ខណៈ លោក Antony Blinken រដ្ឋមន្ត្រីការបរទេសសហរដ្ឋអាមេរិក ជាប់ចំណាត់ថ្នាក់លេខ ៨ ៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖Zelensky ថា ការកែនទ័ពរបស់លោក ពូទីន គឺ “ហៅមនុស្សឲ្យចូលផ្នូរ”

ចុចអាន៖សមយុទ្ធយោធារួម អាមេរិក-កូរ៉េខាងត្បូង មានទាំងនាវាដើរដោយថាមពលនុយក្លេអ៊ែរ