ព័ត៌មានអន្ដរជាតិ

ផ្ទុះការបាញ់ប្រហារនៅសាលារៀន រុស្ស៊ី ស្លាប់ ៩ នាក់ និងរបួសច្រើននាក់ (មានវីដេអូ)

បានផុស

២ years មុន

នៅ

ថ្ងៃចន្ទ ២៦ កញ្ញា ២០២២

ដោយ

ក្រសួងមហាផ្ទៃប្រទេសបាននិយាយថា មនុស្សយ៉ាងតិច ៩នាក់បានស្លាប់ និង ២០ នាក់បានរងរបួស បន្ទាប់ពីការបាញ់ប្រហារនៅសាលារៀនមួយក្នុងទីក្រុង Izhevsk ភាគកណ្ដាលប្រទេសរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីរាយការណ៍បឋមបង្ហាញថា ខ្មាន់កាំភ្លើងបានធ្វើអត្តឃាតខ្លួនឯង បន្ទាប់ពីវាយប្រហារក្នុងសាលារៀនរួចមក។ ទន្ទឹមនេះដែរ ក្រសួងបាននិយាយនៅលើគេហទំព័រ Telegram ថា “ថ្ងៃនេះប៉ូលិសបានទទួលសារអំពីការបាញ់ប្រហារនៅសាលារៀនលេខ ៨៨ ក្នុងទីក្រុង Izhevsk” ដោយបន្ថែមថាព័ត៌មានអំពីជនរងគ្រោះ នឹងត្រូវបានបញ្ជាក់។

ទីភ្នាក់ងារសារព័ត៌មាន RIA បានដកស្រង់សម្តីអភិបាលលោក Alexander Brechalov នៃតំបន់ Udmurtia ដោយនិយាយថា សិស្សានុសិស្សស្ថិតក្នុងចំណោមអ្នកស្លាប់។

ដោយឡែកគណៈកម្មាធិការស៊ើបអង្កេតនៃប្រទេសរុស្ស៊ី បាននិយាយថា ចំនួនអ្នកស្លាប់នៅក្នុងការបាញ់ប្រហារនៅសាលា Izhevsk បានកើនឡើងដល់ ៩ នាក់ ក្នុងនោះមានកុមារ ៥នាក់ សន្តិសុខពីរនាក់ និងគ្រូបង្រៀនពីរនាក់៕

សូមទស្សនាវីដេអូខាងក្រោម៖