ព័ត៌មានអន្ដរជាតិ

កូរ៉េខាងជើងបាញ់មីស៊ីលផ្លោងបន្ថែមឡើងដល់៤គ្រាប់ក្នុងសប្តាហ៍នេះ

បានផុស

២ years មុន

នៅ

ថ្ងៃសៅរ៍ ១ តុលា ២០២២

ដោយ

ប្រទេសកូរ៉េខាងជើងបានបាញ់មីស៊ីលផ្លោងមិនជាក់លាក់ទៀតហើយនៅសមុទ្រភាគខាងកើតនាថ្ងៃសៅរ៍ ទី១ ខែតុលានេះដែលជាការបាញ់លើកទី៤ក្នុងសប្តាហ៍នេះ។ បើតាមការឲ្យដឹងពីអគ្គសេនាចម្រុះកូរ៉េខាងត្បូងបាននិយាយ។

ការបាញ់មីស៊ីលផ្លោងនេះកើតមានឡើង បន្ទាប់ពីកងទ័ពជើងទឹករបស់កូរ៉េខាងត្បូង សហរដ្ឋអាមេរិក និងជប៉ុនបានធ្វើសមយុទ្ធត្រីភាគីប្រឆាំងនឹងនាវាមុជទឹកកាលពីថ្ងៃសុក្រម្សិលមិញ។ ការធ្វើសមយុទ្ធប្រភេទនេះជាលើកដំបូងក្នុងរយៈពេល៥ឆ្នាំ និងបន្ទាប់ពីដំណើរទស្សនកិច្ចរបស់អនុប្រធានាធិបតីសហរដ្ឋអាមេរិក លោកស្រី Kamala Harris ទៅកាន់កូរ៉េខាងត្បូងក្នុងសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្មាំសមុទ្រជប៉ុនបាននិយាយថា យ៉ាងហោចណាស់ ទីក្រុងព្យុងយ៉ាងបាញ់មីស៊ីលផ្លោង២គ្រាប់ ខណៈប្រភព NHK បាននិយាយថា គ្រាប់ទី២បានធ្លាក់នៅខាងក្រៅតំបន់សេដ្ឋកិច្ចពិសេសរបស់ប្រទេសជប៉ុន។

កូរ៉េខាងជើងបានបាញ់មីស៊ីលមុនពេល និងក្រោយពេលដំណើរទស្សនកិច្ចរបស់លោកស្រី Harris ទៅកាន់កូរ៉េខាងត្បូង ដែលជាការពង្រីកល្បឿនជាប់កំណត់ត្រាក្នុងការបាញ់សាកល្បងអាវុធឆ្នាំនេះដែលជាការបង្កើនការគំរាមកំហែងផ្នែកថាមពលនុយក្លេអ៊ែរដល់អាមេរិក និងសម្ព័ន្ធមិត្ត៕

ប្រែសម្រួល៖ វីរបុត្រ
ប្រភព៖ Reuters