ព័ត៌មានអន្ដរជាតិ
ផ្ទុះកុបកម្មក្នុងពន្ធនាគារ អេក្វាទ័រ ស្លាប់អ្នកទោស ១៥នាក់
អ្នកទោសចំនួន១៥នាក់ត្រូវបានសម្លាប់ និងច្រើននាក់ទៀតរងរបួសនៅក្នុង កុបកម្មចុងក្រោយបង្អស់ ដែលវាយប្រហារប្រព័ន្ធពន្ធនាគារដ៏យ៉ាប់យ៉ឺនរបស់ប្រទេស អេក្វាទ័រ។

អ្នកនាំពាក្យទីភ្នាក់ងារគ្រប់គ្រងពន្ធនាគារអេក្វាទ័រ (SNAI) បាននិយាយថា កុបកម្មកាលពីថ្ងៃចន្ទទី០៣ខែតុលានៅឯពន្ធនាគារ Cotopaxi លេខ១ ក្នុងទីក្រុង Latacunga បានបណ្តាលឲ្យមនុស្ស១៥នាក់បាត់បង់ជីវិត និង ២០នាក់រងរបួស។
អាជ្ញាធរកំពុងធ្វើការ ដើម្បីកំណត់អត្តសញ្ញាណសព ខណៈលោក Oswaldo Coronel អភិបាលខេត្ត Cotopaxi បានប្រាប់អ្នកយកព័ត៌មានថា សន្តិសុខត្រូវបានស្ដារឡើងវិញ។ ក្នុងចំណោមអ្នករបួស មាន១៤នាក់ត្រូវបានបញ្ជូនទៅមន្ទីរពេទ្យ។
ទីក្រុង Latacunga ស្ថិតនៅចម្ងាយប្រហែល ៨០គីឡូម៉ែត្រ ភាគខាងត្បូងរដ្ឋធានី Quito របស់ប្រទេសអេក្វាទ័រ។

គួរបញ្ជាក់ថា មានអ្នកទោសជាង ៤០០នាក់ហើយ បានស្លាប់ដោយសារអំពើហិង្សាក្នុងពន្ធនាគារ ចាប់តាំងពីខែកុម្ភៈ ឆ្នាំ២០២១មក ដែលរដ្ឋាភិបាលរបស់ប្រធានាធិបតីអភិរក្សនិយម Guillermo Lasso សន្មតថា ជាសង្គ្រាមក្រុមក្មេងទំនើងលើការគ្រប់គ្រងទឹកដី និងផ្លូវជួញដូរគ្រឿងញៀន។
កាលពីខែកក្កដា អ្នកទោសចំនួន១២នាក់ ត្រូវបានសម្លាប់ក្នុងពន្ធនាគារនៅទីក្រុង Santa Domingo ពោលគឺត្រឹមតែពីរខែប៉ុណ្ណោះ បន្ទាប់ពីអំពើហិង្សានៅពន្ធនាគារដដែលនេះ បានសម្លាប់មនុស្ស៤៣នាក់៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ ក្រុមគ្រឿងញៀន អុកឡុកក្នុងពន្ធនាគារ អេក្វាទ័រ ស្លាប់មនុស្សជាង ១០០នាក់

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី