ព័ត៌មានអន្ដរជាតិ
សហរដ្ឋអាមេរិក និងកូរ៉េខាងត្បូង បាញ់មីស៊ីល ៤គ្រាប់ទាំងព្រឹក ឆ្លើយតបទៅ កូរ៉េខាងជើង (មានវីដេអូ)
សហរដ្ឋអាមេរិក និងកូរ៉េខាងត្បូង បានបាញ់បង្ហោះមីស៊ីលចំនួន ៤គ្រាប់ ចេញពីឆ្នេរសមុទ្រភាគខាងកើតឧបទ្វីបកូរ៉េ នៅព្រឹកថ្ងៃពុធទី០៥ខែតុលានេះ។ នេះបើយោងតាមអគ្គសេនាធិការចម្រុះ កូរ៉េខាងត្បូង។

សេចក្តីថ្លែងការណ៍របស់អគ្គសេនាធិការចម្រុះកូរ៉េខាងត្បូង បាននិយាយថា ការបាញ់បង្ហោះនេះរួមមានមីស៊ីល ATACMS ចំនួនបួនគ្រាប់។ អាវុធបែបនេះ គឺជាមីស៊ីលបាញ់ចេញពីដី ដែលអាចហោះបានចម្ងាយប្រហែល ៣២០គីឡូម៉ែត្រ។
ការធ្វើតេស្តនេះ គឺជាសមយុទ្ធលើកទីពីររបស់សម្ព័ន្ធមិត្តក្នុងរយៈពេលតិចជាង ២៤ ម៉ោងបន្ទាប់ពីការបាញ់សាកល្បងបង្កហេតុ កាលពីព្រឹកថ្ងៃអង្គារដោយប្រទេសកូរ៉េខាងជើង ដែលបានបាញ់មីស៊ីលផ្លោងដោយគ្មានការព្រមានជាមុន ហោះរំលងប្រទេសជប៉ុន។

មីស៊ីលរបស់កូរ៉េខាងជើង បានធ្វើដំណើរឆ្លងកាត់ភាគខាងជើងប្រទេសជប៉ុននៅពេលព្រឹក ហើយត្រូវបានគេជឿថា បានធ្លាក់ចូលក្នុងមហាសមុទ្រប៉ាស៊ីហ្វិក។ នោះគឺជាការបាញ់មីស៊ីលលើកទី ២៣ របស់កូរ៉េខាងជើងក្នុងឆ្នាំនេះ។
ក្រោយមក នៅថ្ងៃដដែលនោះ សហរដ្ឋអាមេរិក និងកូរ៉េខាងត្បូង បានធ្វើសមយុទ្ធទម្លាក់គ្រាប់បែក ដែលមានការចូលរួមពីសំណាក់យន្តហោះចម្បាំងប្រភេទ F-15K របស់កូរ៉េខាងត្បូង។

កូរ៉េខាងត្បូង និងសហរដ្ឋអាមេរិក ជាធម្មតា បានឆ្លើយតបទៅនឹងការសាកល្បងមីស៊ីលរបស់កូរ៉េខាងជើង ដោយការធ្វើសមយុទ្ធយោធា។
លោក John Kirby អ្នកសម្របសម្រួលក្រុមប្រឹក្សាសន្តិសុខជាតិសម្រាប់ការទំនាក់ទំនងជាយុទ្ធសាស្ត្រ បានប្រាប់ CNN ថា “ការបាញ់បង្ហោះចុងក្រោយនេះ ត្រូវបានរៀបចំឡើងដើម្បីបង្ហាញថា សហរដ្ឋអាមេរិក និងសម្ព័ន្ធមិត្តរបស់ពួកគេមាន សមត្ថភាពយោធាត្រៀមខ្លួនជាស្រេចដើម្បីឆ្លើយតបទៅនឹងការបង្កហេតុដោយកូរ៉េខាងជើង”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNN
ចុចអាន៖ ប្រជាជនជប៉ុន ឆោឡោរត់រកកន្លែងលាក់ខ្លួន បន្ទាប់ពីកូរ៉េខាងជើង បាញ់មីស៊ីល រំលងប្រទេស

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ