ព័ត៌មានអន្ដរជាតិ

លោក Zelensky ចុះហត្ថលេខាលើក្រឹត្យមួយមិនចរចាជាមួយលោក Putin

បានផុស

៣ years មុន

នៅ

ថ្ងៃពុធ ៥ តុលា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអង្គារបានចុះហត្ថលេខាលើក្រឹត្យមួយចែងថា មិនមានការចរចាណាមួយនឹងត្រូវធ្វើឡើងជាមួយប្រធានាធិបតីរុស្ស៊ីលោក Vladimir Putin នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណាត់ការចុងក្រោយរបស់ទីក្រុងកៀវបានកើតឡើង បន្ទាប់ពីសភារុស្ស៊ីបានផ្តល់សច្ចាប័នលើកិច្ចព្រមព្រៀងស្តីពីការដាក់បញ្ចូលតំបន់របស់អ៊ុយក្រែនដូចជា Donetsk, Kherson, Luhansk និង Zaporizhzhia ជាទឹកដីឯករាជ្យ ។

កាលពីថ្ងៃសុក្រសប្តាហ៍មុនលោក Putin បានចុះហត្ថលេខាលើកិច្ចព្រមព្រៀងជាមួយអាជ្ញាធរនៃតំបន់ផ្ដាច់ខ្លួនរបស់អ៊ុយក្រែនស្តីពីការចូលរួមជាមួយរុស្ស៊ី បន្ទាប់ពីការធ្វើប្រជាមតិនៅថ្ងៃទី ២៣ ដល់ថ្ងៃទី ២៧ ខែកញ្ញា ។

ទន្ទឹមនោះ ការបោះឆ្នោតនេះកើតមានឡើងរយៈពេលជាង ៧ ខែក្នុងសង្រ្គាមរុស្ស៊ីលើអ៊ុយក្រែនដែលបានចាប់ផ្តើមនៅថ្ងៃទី ២៤ ខែកុម្ភៈ ។

ស្របពេលជាមួយគ្នានេះ ប្រជាមតិក៏ត្រូវបានថ្កោលទោសដោយសហគមន៍អន្តរជាតិផងដែរ ដោយប្រទេសអឺរ៉ុប និងសហរដ្ឋអាមេរិកបានហៅការដាក់បញ្ចូលនេះថាជា “ការបោកប្រាស់” ហើយពួកគេនឹងមិនទទួលស្គាល់តំបន់ទាំងនេះឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក Zelensky ឲ្យប្រជាជននៅតំបន់មួយរបស់ រុស្ស៊ី ប្រយុទ្ធដើម្បីបញ្ចៀសការស្លាប់