ព័ត៌មានអន្ដរជាតិ
យន្តហោះដឹករដ្ឋាភិបាលយេមែនរងការវាយប្រហារ ស្លាប់និងរបួសមនុស្សជាង៧០នាក់
មនុស្សចំនួន២២នាក់បានស្លាប់និងជាង៥០នាក់ទៀតរងរបួសក្នុងការវាយប្រហារមួយនៅឯព្រលានយន្តហោះទីក្រុង Aden ភាគអាគ្នេយ៍ប្រទេស យេមែន។
យ៉ាងហោចណាស់មានការផ្ទុះមួយភ្លាមៗបន្ទាប់ពីយន្តហោះមួយគ្រឿងដែលដឹករដ្ឋាភិបាលទើបបង្កើតថ្មីរបស់ប្រទេសដែលហែកហួរដោយសង្គ្រាមមួយនេះបានមកដល់ពីប្រទេសអារ៉ាប៊ីសាអ៊ូឌីត។
បុគ្គលិកជំនួយនិងមន្រ្តីស្ថិតក្នុងចំណោមអ្នកស្លាប់និងរបួស។
រដ្ឋមន្រ្តីក្រសួងព័ត៌មានបានចោទប្រកាន់ក្រុមឧទ្ទាម Houthi ថាជាអ្នកធ្វើសកម្មភាពភេរវកម្មដ៏កំសាកនេះ។
វីដេអូនៃឧប្បត្តិហេតុកាលពីថ្ងៃពុធបានបង្ហាញថា មានការផ្ទុះដ៏ធំមួយនៅពេលអ្នកដំណើរចាប់ផ្តើមចុះពីយន្តហោះដែលដឹកគណៈរដ្ឋមន្រ្តីថ្មីទៅកាន់ទីក្រុង Aden។
ហ្វូងមនុស្សដែលប្រមូលផ្តុំគ្នានៅព្រលានដើម្បីស្វាគមន៍ក្រុមរដ្ឋមន្រ្តីបានរត់គេចខ្លួននៅពេលផ្សែងយ៉ាងក្រាស់ហុយចេញពីអាកាសយានដ្ឋាន។ សំឡេងគ្រាប់កាំភ្លើងក៏ត្រូវបានគេឮភ្លាមៗផងដែរ។
មូលហេតុនៃការផ្ទុះនេះមិនទាន់ត្រូវបានគេដឹងច្បាស់ទេប៉ុន្តែប្រភពសន្តិសុខបានប្រាប់ទីភ្នាក់ងារសារព័ត៌មាន Reuters ថា គ្រាប់កាំភ្លើងត្បាល់ចំនួន៣គ្រាប់បានធ្លាក់នៅឯព្រលាន។
គេហទំព័រព័ត៌មាន Al-Masdar Online របស់ប្រទេសយេមែនបានរាយការណ៍ថា អនុរដ្ឋមន្ត្រីក្រសួងការងារលោក Yasmin al-Awadhi ត្រូវបានសម្លាប់ហើយអនុរដ្ឋមន្រ្តីក្រសួងយុវជននិងកីឡាលោក Moneer al-Wajeeh និងអនុរដ្ឋមន្រ្តីក្រសួងដឹកជញ្ជូនលោក Nasser Sharif ស្ថិតក្នុងចំណោមអ្នករងរបួស។
នាយករដ្ឋមន្រ្តី Maeen Abdulmalik Saeed និងគណៈរដ្ឋមន្រ្តីរបស់គាត់ត្រូវបានគេនាំទៅកន្លែងមានសុវត្ថិភាពបន្ទាប់ពីការវាយប្រហារ។
គួរបញ្ជាក់ថា ប្រទេសយេមែនត្រូវបានបំផ្លិចបំផ្លាញដោយសារជម្លោះមួយដែលបានកើនឡើងក្នុងឆ្នាំ២០១៥នៅពេលដែលសម្ព័ន្ធរដ្ឋអារ៉ាប់ដឹកនាំដោយអារ៉ាប៊ីសាអ៊ូឌីត បើកប្រតិបត្តិការយោធាដើម្បីកម្ចាត់ពួក Houthi និងស្ដារការគ្រប់គ្រងរបស់លោកប្រធានាធិបតី Abdrabbuh Mansour Hadi ឡើងវិញ។
ការប្រយុទ្ធគ្នាបានបណ្តាលឲ្យមនុស្សជាង១១០,០០០នាក់ស្លាប់និងបង្កគ្រោះមហន្តរាយមនុស្សធម៌ដ៏អាក្រក់បំផុតនៅលើពិភពលោកដោយមានមនុស្សរាប់លាននាក់ធ្លាក់ចូលក្នុងភាពអត់ឃ្លានហើយធ្វើឲ្យប្រទេសនេះកាន់តែងាយរងគ្រោះជំងឺរាតត្បាតកូវីដ១៩៕
ប្រែសម្រួលដោយ៖ Vann Vann
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ