ព័ត៌មានអន្ដរជាតិ
លោក បៃដិន៖ ហានិភ័យសង្គ្រាមនុយក្លេអ៊ែរ ឈានដល់កម្រិតខ្ពស់បំផុតចាប់តាំងពីវិបត្តិមីស៊ីលគុយបា
ប្រធានាធិបតីអាមេរិកលោក ចូ បៃដិន បាននិយាយថា ហានិភ័យនៃសង្គ្រាមនុយក្លេអ៊ែរដ៏មហន្តរាយកំពុងឈានដល់កម្រិតខ្ពស់បំផុត ចាប់តាំងពីវិបត្តិមីស៊ីលគុយបាឆ្នាំ១៩៦២មក។
![](https://www.kampucheathmey.com/wp-content/uploads/2022/10/image-456.png)
លោក បៃដិន និយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន មិននិយាយលេងសើចទេ នៅពេលគាត់និយាយអំពីការប្រើប្រាស់អាវុធនុយក្លេអ៊ែរជាយុទ្ធសាស្ត្រ បន្ទាប់ពីទទួលរងបរាជ័យនៅក្នុងប្រទេសអ៊ុយក្រែន។
កន្លងមក សហរដ្ឋអាមេរិក និងសហភាពអឺរ៉ុប ធ្លាប់និយាយថា ការវាយប្រហារនុយក្លេអ៊ែររបស់លោក ពូទីន គួរតែត្រូវយកចិត្តទុកដាក់ឲ្យខ្លាំង។
![](https://www.kampucheathmey.com/wp-content/uploads/2022/10/image-457.png)
យ៉ាងណាក្តី ទីប្រឹក្សាសន្តិសុខជាតិអាមេរិក លោក Jake Sullivan កាលពីសប្តាហ៍មុន បាននិយាយថា ថ្វីបើទីក្រុងមូស្គូ បង្ហើបអំពីអាវុធនុយក្លេអ៊ែរក៏ដោយ ក៏សហរដ្ឋអាមេរិក មិនបានឃើញសញ្ញាណាមួយ ដែលបង្ហាញថា រុស្ស៊ីកំពុងត្រៀមប្រើប្រាស់អាវុធនុយក្លេអ៊ែរ ក្នុងពេលឆាប់ៗនេះដែរ។
លោកប្រធានាធិបតី បៃដិន និយាយថា មូលហេតុដែលមេដឹកនាំរុស្ស៊ីមិននិយាយលេងសើច នៅពេលដែលគាត់និយាយអំពីការប្រើប្រាស់អាវុធនុយក្លេអ៊ែរ អាវុធជីវសាស្ត្រ ឬអាវុធគីមីនោះ គឺដោយសារតែយោធារបស់លោកពូទីន កំពុងធ្វើមិនសូវបានល្អក្នុងសមរភូមិ។
![](https://www.kampucheathmey.com/wp-content/uploads/2022/10/image-459.png)
លោក បៃដិន បានប្រាប់អ្នកប្រជាធិបតេយ្យថា “ជាលើកដំបូងហើយ ចាប់តាំងពីវិបត្តិមីស៊ីលគុយបា ដែលពួកយើងមានការគំរាមកំហែងដោយផ្ទាល់ចំពោះការប្រើប្រាស់អាវុធនុយក្លេអ៊ែរ ប្រសិនបើការពិតនៅតែបន្តដើរលើផ្លូវនេះ ពួកគេនឹងប្រើ។ យើងមិនដែលប្រឈមមុខនឹងការរំពឹងទុកនៃជម្លោះដ៏មហន្តរាយបែបនេះទេ ចាប់តាំងពីលោក Kennedy និងវិបត្តិមីស៊ីលគុយបា”។
គួរបញ្ជាក់ថា នៅឆ្នាំ១៩៦២ សហរដ្ឋអាមេរិកក្រោមការដឹកនាំរបស់លោកប្រធានាធិបតី John F Kennedy និងសហភាពសូវៀត ក្រោមការដឹកនាំរបស់លោក Nikita Khrushchev បានសង្គ្រឺតធ្មេញដាក់គ្នាជុំវិញការដាក់ពង្រាយអាវុធនុយក្លេអ៊ែររបស់រុស្ស៊ី នៅក្នុងប្រទេសគុយបា។ ការប្រឈមមុខដាក់គ្នានេះ ត្រូវបានអ្នកជំនាញជាច្រើនចាត់ទុកថា ជាជំហានដែលពិភពលោកឈានកាន់តែជិតទៅនឹងសង្គ្រាមនុយក្លេអ៊ែរ ពេញទំហឹង៕
ប្រែសម្រួល៖ Vann Vann
ប្រភព៖ BBC
ចុចអាន៖ រុស្ស៊ី ចោទថា លោក Zelensky ព្យាយាមបញ្ឆេះ សង្គ្រាមលោកលើកទី៣
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៧ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២៣ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៤ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត