លោក Zelensky ព្រមានថា រុស្ស៊ី ប្រាប់ឲ្យប្រជាជនរៀបចំខ្លួនរួចហើយ សម្រាប់សង្គ្រាមនុយក្លេអ៊ែរ

ប្រធានាធិបតីអ៊ុយក្រែនលោកលោក Volodymyr Zelensky បានជំរុញឲ្យសម្ព័ន្ធមិត្តលោកខាងលិច ប្រឆាំងតបតនឹងផែនការរបស់លោក ពូទីន ដែលនឹងប្រើប្រាស់អាវុធនុយក្លេអ៊ែរនៅក្នុងប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky បានថ្កោលទោសការគំរាមកំហែងនុយក្លេអ៊ែររបស់រុស្ស៊ី ដោយនិយាយថា វាបង្កហានិភ័យសម្រាប់ភពផែនដីទាំងមូល។

នៅក្នុងបទសម្ភាសន៍ថ្មីមួយជាមួយ BBC លោក Zelensky ក៏បាននិយាយផងដែរថា មន្ត្រីវិមានក្រឹមឡាំងកំពុងប្រាប់ឲ្យពលរដ្ឋរបស់ពួកគេរៀបចំខ្លួន ក្នុងករណីប្រើប្រាស់អាវុធនុយក្លេអ៊ែរនៅក្នុងប្រទេសអ៊ុយក្រែន។

លោក​បាន​បន្ថែម​ថា “វា​គ្រោះថ្នាក់​ណាស់។ ពួកគេមិនទាន់រៀបចំរួចរាល់ដើម្បីធ្វើវាទេ ឬបាញ់នុយក្លេអ៊ែរទេ។ ប៉ុន្តែពួកគេចាប់ផ្តើមទំនាក់ទំនង។ គេ​មិន​ដឹង​ថា រុស្ស៊ី​ប្រើ​ឬ​មិន​ប្រើទេ។ ខ្ញុំ​គិត​ថា វា​ជារឿង​គ្រោះ​ថ្នាក់ ​សូម្បី​តែ​និយាយ​អំពី​វា”​។

ស្របពេលជាមួយគ្នានោះ លោក Zelensky បានអំពាវនាវឲ្យសមាជិកអង្គការណាតូ ចាត់វិធានការការពារបន្ថែមទៀត ប្រឆាំងនឹងប្រទេសរុស្ស៊ី ដើម្បីបញ្ឈប់សង្គ្រាម។

គួរបញ្ជាក់ថា កិច្ចសម្ភាសន៍នេះ បានកើតឡើងត្រឹមប៉ុន្មានម៉ោងប៉ុណ្ណោះ បន្ទាប់ពីប្រធានាធិបតីអាមេរិកលោក Joe Biden និយាយថា ការគំរាមកំហែងរបស់រុស្ស៊ី ក្នុងការប្រើប្រាស់អាវុធនុយក្លេអ៊ែរ បាននាំពិភពលោកខិតទៅជិតជម្លោះដ៏មហន្តរាយជាងពេលណាៗទាំងអស់ ចាប់តាំងពីវិបត្តិមីស៊ីលគុយបាក្នុងអំឡុងសង្គ្រាមត្រជាក់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក បៃដិន៖ ហានិភ័យសង្គ្រាមនុយក្លេអ៊ែរ ឈានដល់កម្រិតខ្ពស់បំផុតចាប់តាំងពីវិបត្តិមីស៊ីលគុយបាឆ្នាំ ១៩៦២