សិស្ស ម៉ិកស៊ិក រាប់សិបនាក់ត្រូវបានបំពុលយ៉ាងអាថ៌កំបាំង

យោងតាមអាជ្ញាធរក្នុងតំបន់បានឱ្យដឹងថា សិស្សយ៉ាងហោចណាស់ ៥៧នាក់ត្រូវបានបំពុលដោយសារធាតុមិនស្គាល់អត្តសញ្ញាណ នៅក្នុងសាលាអនុវិទ្យាល័យជនបទមួយក្នុងរដ្ឋ Chiapas ភាគខាងត្បូងប្រទេសម៉ិកស៊ិក។

ហេតុការណ៍នេះបានកើតឡើងនៅថ្ងៃសុក្រ ថ្ងៃទី៧ ខែតុលា ដែលវាជាករណីទី៣ហើយ នៅសាលា Chiapas ក្នុងរយៈពេលពីរសប្តាហ៍កន្លងមកនេះ ដោយបានធ្វើឱ្យសិស្សមានការភិតភ័យ និងធ្វើឱ្យឪពុកម្តាយផ្ទុះកំហឹងយ៉ាងខ្លាំង។

វិទ្យាស្ថានសន្តិសុខសង្គមម៉ិកស៊ិក បាននិយាយកាលពីថ្ងៃសុក្រថា សិស្សជំទង់ចំនួន ៥៧នាក់នៅក្នុងសហគមន៍ជនបទនៃតំបន់ Bochil បានមកដល់មន្ទីរពេទ្យ ក្នុងស្រុកដោយមានរោគសញ្ញានៃការពុល ដោយគ្មានមូលហេតុ។ ពេលនេះវិទ្យាស្ថាន មិនទាន់រក​ឃើញមូលហេតុពិតនៅឡើយ ​ស្របពេលសារព័ត៌មាន​ក្នុង​ស្រុក​រាយការណ៍​ថា ​សិស្សអាចរងផល​ប៉ះពាល់​ពី​ទឹក​កខ្វក់ ឬ​អាហារមិនស្អាត។

ទោះជាមានការលើកឡើងបែបនេះក្ដី ប៉ុន្តែមន្ត្រីជំនាញកំពុងបើកការស៊ើបអង្កេត លើកករណីនេះ៕

ប្រែសម្រួល៖ សន្យា

ប្រភព៖ Rueters

ចុចអាន៖ ប៉ះទង្គិចកាំភ្លើងយ៉ាងសាហាវ នៅជាយក្រុងយេរូសាឡឹម ប្រទេសអ៊ីស្រាអែល