Connect with us

ព័ត៌មានអន្ដរជាតិ

នាំគ្នាជម្លៀសចេញពីទឹកជំនន់ បែរជាត្រូវក្រឡាប់ទូក ស្លាប់៧៦នាក់ នៅ នីហ្សេរីយ៉ា

បានផុស

នៅ

មនុស្សចំនួន៧៦នាក់ត្រូវបានរាយការណ៍ថា បាត់បង់ជីវិត បន្ទាប់ពីឧបទ្ទវហេតុក្រឡាប់ទូក នៅភាគអាគ្នេយ៍ប្រទេសនីហ្សេរីយ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូកដែលផ្ទុកមនុស្សយ៉ាងតិច៨០នាក់ បានក្រឡាប់លិចកាលពីថ្ងៃសុក្រទី០៧ខែតុលា នៅក្នុងតំបន់ Ogbaru នៃរដ្ឋ Anambra។

ជនរងគ្រោះភាគច្រើនជាស្ត្រី និងកុមារ ខណៈពួកគេព្យាយាមស្វែងរកទីទួលសុវត្ថិភាព បន្ទាប់ពីសហគមន៍របស់ពួកគេត្រូវបានជន់លិចដោយទឹកជំនន់។

សារព័ត៌មានក្នុងស្រុករាយការណ៍ថា អ្នកជិះលើទូកកំពុងធ្វើដំណើរទៅកាន់ផ្សារ Nkwo ក្នុងតំបន់ Ogbakuba មុនពេលវាក្រឡាប់។ មន្ត្រី​មួយ​ចំនួន​ទៀត​និយាយ​ថា ទូក ​ខូច​ម៉ាស៊ីន ហើយ​ ​បុក​ស្ពាន​មួយ​មុន​នឹងលិច។

លោក Thickman Tanimu អ្នកសម្របសម្រួលនៅភាគអាគ្នេយ៍ របស់ទីភ្នាក់ងារគ្រប់គ្រងគ្រោះអាសន្នជាតិ បានប្រាប់ទីភ្នាក់ងារព័ត៌មាន AFP ថា “កម្រិតទឹកគឺខ្ពស់ណាស់ ហើយមានគ្រោះថ្នាក់ខ្លាំងពេកសម្រាប់ប្រតិបត្តិការស្វែងរក និងជួយសង្គ្រោះ”។

អភិបាលក្រុង Anambra លោក Charles Soludo បានបន្ថែមថា ឧបទ្ទវហេតុនេះ បានបង្កការភ្ញាក់ផ្អើលយ៉ាងខ្លាំងដល់អ្នកស្រុក និងរដ្ឋាភិបាល។

គួរបញ្ជាក់ថា គ្រោះថ្នាក់ទូក គឺជារឿងធម្មតានៅក្នុងប្រទេសនីហ្សេរីយ៉ា ទោះបីជាហេតុការណ៍ភាគច្រើន ត្រូវបានស្តីបន្ទោសលើការផ្ទុកលើសទម្ងន់ ឬវិធានការសុវត្ថិភាពមិនល្អក៏ដោយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ករណីលិចទូក ១គ្រឿង នៅខេត្តព្រះសីហនុ ៖ មនុស្សប្រុសម្នាក់ទៀត ត្រូវបានជួយសង្រ្គោះ និងរកឃើញសាកសពស្ត្រីម្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៣ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ២១ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៩ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ២០ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២១ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម