Breaking News! ការផ្ទុះជាច្រើនលើកកំពុងកើតឡើងនៅកណ្ដាលទីក្រុង កៀវ (មានវីដេអូ)

ប្រព័ន្ធផ្សព្វផ្សាយអ៊ុយក្រែនអះអាងថា ការផ្ទុះជាច្រើនត្រូវបានគេឮនៅកណ្ដាលទីក្រុងកៀវ ហើយព័ត៌មានអំពីការបំផ្ទុះនេះក៏ត្រូវបានបញ្ជាក់ដោយលោកអភិបាលក្រុង Vitali Klitschko ផងដែរ ។

ដោយឡែកទីភ្នាក់ងារព័ត៌មាន UNIAN បានបង្ហោះនៅលើបណ្ដាញ Telegram របស់ខ្លួនថា “ការផ្ទុះចំនួន ៤ លើកបានកើតឡើងនៅក្នុងទីក្រុងកៀវ ជាពិសេសនៅក្នុងសង្កាត់ Shevchenko ហើយមនុស្សមួយចំនួនបានស្លាប់ និងរងរបួសនៅក្នុងការវាយប្រហារនេះ” ។

ទន្ទឹមនោះ លោក Anton Gerashchenko ទីប្រឹក្សារដ្ឋមន្ត្រីក្រសួងកិច្ចការផ្ទៃក្នុងរបស់អ៊ុយក្រែនបានសរសេរនៅលើបណ្ដាញ Twitter ថា រ៉ុកកែតមួយគ្រាប់បានធ្លាក់ក្បែរវិមាន Mikhail Grushevsky នៅផ្លូវ Vladimirskaya ក្នុងទីក្រុងកៀវ ។

លោក Gerashchenko បាននិយាយទៀតថា សេវាសន្តិសុខរបស់អ៊ុយក្រែនគឺកំពុងនៅតាមផ្លូវនេះ ហើយការិយាល័យប្រធានាធិបតីរបស់លោក Volodymyr Zelensky ក៏នៅក្បែរនោះផងដែរ ។

គួរបញ្ជាក់ថា នេះជាលើកទីមួយហើយដែលទីក្រុងកៀវរងការវាយប្រហារ បន្ទាប់ពីស្ងប់ស្ងាត់អស់រយៈពេលជាច្រើនខែ ហើយការផ្ទុះនេះក៏ហាក់ដូចជាចំគោលដៅជាងការប្រហាររបស់រុស្ស៊ី ក្នុងអំឡុងពេលសង្គ្រាមលុកលុយនាពេលលកន្លងមក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី កោះប្រជុំក្រុមប្រឹក្សាសន្តិសុខជាតិបន្ទាន់ ក្រោយការផ្ទុះលើស្ពានគ្រីមៀ