ម៉ាឡេស៊ី ប្រកាស​ រំលាយសភា

នាយករដ្ឋមន្ត្រីម៉ាឡេស៊ី លោក Ismail Sabri Yaakob នៅថ្ងៃចន្ទទី១០ខែតុលានេះ បានប្រកាសរំលាយសភា ដោយបើកផ្លូវសម្រាប់ការបោះឆ្នោតសកលលើកទី១៥ របស់ប្រទេសនេះ ថ្វីបើមានការតវ៉ាពីគណបក្សនយោបាយភាគច្រើន ជុំវិញការរៀបចំបោះឆ្នោតក្នុងរដូវទឹកជំនន់ក៏ដោយ។

លោក Ismail Sabri បានប្រាប់សន្និសីទសារព័ត៌មានមួយថា ស្តេចស៊ុលតង់ Abdullah Ri’ayatuddin បានយល់ព្រមចំពោះការរំលាយ កាលពីថ្ងៃអាទិត្យ។

លោក Ismail Sabri និយាយថា “ជាមួយនឹងការប្រកាសនេះ អាណត្តិត្រូវបានប្រគល់ជូនប្រជាជនវិញ។ អាណត្តិរបស់ប្រជាជន គឺជាឱសថដ៏ត្រឹមត្រូវសម្រាប់ស្ថិរភាពនយោបាយរបស់ប្រទេស ដើម្បីបង្កើតរដ្ឋាភិបាលមួយដ៏រឹងមាំ ស្ថិរភាព និងការគោរព បន្ទាប់ពីការបោះឆ្នោតសកលលើកទី១៥”។

គណៈកម្មាធិការ​រៀបចំ​ការ​បោះ​ឆ្នោត ​នឹង​ជួប​ប្រជុំ​គ្នា​ក្នុង​ពេល​ឆាប់ៗ​នេះ ដើម្បី​សម្រេច​លើ​ការ​តែងតាំង និង​ថ្ងៃ​បោះឆ្នោត។

គួរបញ្ជាក់ថា លោក Ismail បានរងសម្ពាធពីគណបក្សបង្កើតរដ្ឋាភិបាលមួយចំនួន ក្នុងការទាមទារឲ្យរៀបចំការបោះឆ្នោតមុនអាណត្តិជាផ្លូវការ និងដោយសារតែការប៉ះទង្គិចគ្នាក្នុងស្ថាប័ន៕

ប្រែសម្រួល៖ Vann Vann

ប្រភព៖ Asia Nikkei

ចុចអាន៖ ម៉ាឡេស៊ី ជំរុញឲ្យអាស៊ាន ធ្វើសកម្មភាព ក្រោយ មីយ៉ាន់ម៉ា បើកការវាយប្រហារលើសាលារៀនសម្លាប់កុមារ