ព័ត៌មានអន្ដរជាតិ
បាក់ដី លេបត្របាក់ផ្ទះសម្បែង សម្លាប់មនុស្សច្រើននាក់នៅ វេណេស៊ុយអេឡា
ការរអិលបាក់ដីកាលពីថ្ងៃអាទិត្យទី០៩ខែតុលា បានលេបត្របាក់ផ្ទះសម្បែងជាច្រើនខ្នងនៅក្នុងទីក្រុង Las Tejerias ភាគខាងត្បូងរដ្ឋធានីការ៉ាកាស នៃប្រទេសវ៉េណេស៊ុយអេឡា។
មនុស្សចំនួន២២នាក់ ត្រូវបានរាយការណ៍ថា បាត់បង់ជីវិតនិង ៥២នាក់ទៀត កំពុងបាត់ខ្លួនបន្ទាប់ពីភ្លៀងធ្លាក់ខ្លាំង។
អនុប្រធានាធិបតី លោកស្រី Delcy Rodriguez បានចុះទៅតំបន់មួយដែលរងផលប៉ះពាល់ខ្លាំងបំផុត។ លោកស្រីនិយាយថា សេវាជួយសង្គ្រោះកំពុងស្វែងរកអ្នកដែលកំពុងបាត់ខ្លួន។
ស្របពេលជាមួយគ្នានោះដែរ អនុរដ្ឋមន្ត្រីការពារស៊ីវិល លោក Carlos Perez Ampueda បានឲ្យដឹងថា បុគ្គលិកសង្គ្រោះបន្ទាន់ប្រហែល ១០០០ នាក់ បានចូលរួមក្នុងប្រតិបត្តិការស្វែងរក និងជួយសង្គ្រោះ។
ការបាក់ដី បានកើតឡើងបន្ទាប់ពីទឹកទន្លេ El Pato ឡើងផុតច្រាំង ហើយជាលទ្ធផល ទឹកជំនន់ក៏បានហូរវាយប្រហារផ្ទះ និងហាងមួយចំនួនផងដែរ។
អ្នកស្រុកឈ្មោះ Carmen Melendez អាយុ ៥៥ ឆ្នាំបានប្រាប់ AFP ថា “ភូមិ Las Tejerias ទាំងមូលត្រូវបានវាយប្រហារ”។
គួរបញ្ជាក់ថា ភូមិ Las Tejerias ដែលមានចម្ងាយប្រហែល ៦៧គីឡូម៉ែត្រពីរដ្ឋធានី ការ៉ាកាស បានរងការវាយប្រហារខ្លាំងបំផុតក្នុងប្រទេស វ៉េណេស៊ុយអេឡា ដោយសារគ្រោះធម្មជាតិក្នុងឆ្នាំនេះ៕
ប្រែសម្រួល៖ Vann Vann
ប្រភព៖ BBC
ចុចអាន៖ ការបាក់ដី និងទឹកជំនន់ភ្លាមៗពីភ្លៀងមូសុងសម្លាប់មនុស្សយ៉ាងតិច ៤១ នាក់នៅក្នុងប្រទេសឥណ្ឌា និងនេប៉ាល់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព