មកដឹងចំនួនមីស៊ីលដែល រុស្ស៊ី បាញ់យ៉ាងសន្ធាប់លើទីក្រុង អ៊ុយក្រែន

ប្រមុខយោធាអ៊ុយក្រែនលោក Valeriy Zaluzhny បាននិយាយថា កងកម្លាំងរុស្ស៊ីបានបាញ់កាំជ្រួចមីស៊ីលយ៉ាងហោចណាស់ចំនួន ៧៥ គ្រាប់នៅអ៊ុយក្រែន ក្នុងអំឡុងពេលនៃការវាយប្រហារដ៏សន្ធឹកសន្ធាប់លើទីក្រុងជាច្រើនកាលពីថ្ងៃចន្ទ ។

លោក Valeriy Zaluzhny បាននិយាយនៅលើប្រព័ន្ធផ្សព្វផ្សាយសង្គមថា “ប្រទេស​​រុស្ស៊ី​បាន​ធ្វើ​ការ​វាយ​ប្រហារ​ដោយការបាញ់កាំជ្រួចមីស៊ីលតាម​ផ្លូវ​អាកាសស្រោច​លើ​ទឹកដី​អ៊ុយក្រែន ហើយក្នុងនោះរុស្ស៊ីក៏បានប្រើយន្តហោះគ្មានមនុស្សបើក (ដ្រូន) ផងដែរ” ។

ទន្ទឹមនោះ ប៉ូលិសក៏បាននិយាយផងដែរថា យ៉ាងហោចណាស់មនុស្សចំនួន ១៤ នាក់បានស្លាប់ និងជាច្រើននាក់ទៀតរងរបួសនៅក្នុងការវាយប្រហារដោយមីស៊ីលរបស់រុស្ស៊ីទៅលើរដ្ឋធានីកៀវរបស់អ៊ុយក្រែន ។

គួរបញ្ជាក់ថា នេះជាលើកទីមួយហើយដែលទីក្រុងកៀវរងការវាយប្រហារ បន្ទាប់ពីស្ងប់ស្ងាត់អស់រយៈពេលជាច្រើនខែ ហើយការផ្ទុះនេះក៏ហាក់ដូចជាចំគោលដៅជាងការវាយប្រហាររបស់រុស្ស៊ី ក្នុងអំឡុងពេលសង្គ្រាមលុកលុយនាពេលលកន្លងមក ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ការផ្ទុះជាច្រើនលើកកំពុងកើតឡើងនៅកណ្ដាលទីក្រុង កៀវ (មានវីដេអូ)