ស៊ីរ៉ែនប្រកាសអាសន្ន លាន់ទ្រហឹងម្តងទៀត ទូទាំងប្រទេស អ៊ុយក្រែន

ប្រជាជនអ៊ុយក្រែន បានរត់ទៅជ្រកនៅទីសុវត្ថិភាពជាថ្មីម្តងទៀតនៅព្រឹកថ្ងៃអង្គារទី ១១ខែតុលានេះ ខណៈស៊ីរ៉ែន ប្រកាសអាសន្នការវាយប្រហារតាមអាកាស បានបន្លឺឡើងទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការគំរាមកំហែងនៃការទម្លាក់គ្រាប់បែកបន្ថែមទៀត បានកើតឡើងមួយថ្ងៃ បន្ទាប់ពីប្រទេសរុស្ស៊ី បើកការវាយប្រហារទ្រង់ទ្រាយធំ លើរដ្ឋធានីអ៊ុយក្រែន និងទីក្រុងផ្សេងៗ។

ស្របពេលជាមួយគ្នានោះ អ្នកនយោបាយជាន់ខ្ពស់ម្នាក់បានប្រាប់ BBC News ថា អ៊ុយក្រែននឹងបន្តការវាយបកតបតរបស់ខ្លួន ដើម្បីដណ្តើមយកមកវិញ នូវទឹកដីដែលកាត់បញ្ចូលដោយរុស្ស៊ីនៅភាគខាងត្បូង និងខាងកើត ថ្វីបើមានការបាញ់មីស៊ីលកាន់តែខ្លាំងឡើងក៏ដោយ។

លោក Ihor Zhovka អនុប្រធានការិយាល័យរបស់លោកប្រធានាធិបតីអ៊ុយក្រែន Volodymyr Zelensky បាននិយាយថា ការវាយប្រហារកាលពីថ្ងៃចន្ទ ត្រូវបានរៀបចំឡើង ដើម្បីបង្កឲ្យមានការភ័យស្លន់ស្លោ ដោយវាយលុកទីក្រុងធំៗ នៅពេលវេលាកំពុងមមាញឹក។

ប៉ុន្តែលោកនិយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានបរាជ័យក្នុងការបំភិតបំភ័យជនជាតិអ៊ុយក្រែន ទោះវាយប្រហារកាន់តែខ្លាំង កំណត់គោលដៅទាំងលើហេដ្ឋារចនាសម្ព័ន្ធសំខាន់ៗ និងគោលដៅស៊ីវិលក៏ដោយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ពូទីន ព្រមាន៖ បើ អ៊ុយក្រែន វាយប្រហារបន្ថែមទៀត រុស្ស៊ី នឹងឆ្លើយតប ធ្ងន់ធ្ងរបំផុត