ព័ត៌មានអន្ដរជាតិ
ទឹកជំនន់និងបាក់ដី សម្លាប់មនុស្ស ៣៣នាក់នៅ នេប៉ាល់ (មានវីដេអូ)
មនុស្សចំនួន៣៣នាក់បានបាត់បង់ជីវិត នៅក្នុងគ្រោះទឹកជំនន់ និងការរអិលបាក់ដី នៅភាគខាងលិចប្រទេសនេប៉ាល់ ក្នុងសប្តាហ៍កន្លងមកនេះ។

ក្រុមមន្ត្រីបាននិយាយនៅថ្ងៃពុធទី១២ខែតុលានេះថា ភ្លៀងមូសុងដ៏អាក្រក់បំផុត បានវាយប្រហារខេត្ត Karnali ភាគពាយព្យ ដោយនៅទីនោះ ប្រជាជនរាប់ពាន់នាក់ ត្រូវបានជម្លៀសចេញ។ ផ្ទះរាប់រយខ្នង ក៏រងការខូចខាតដោយសារការបាក់ដី និងទឹកជំនន់ផងដែរ។
ទន្ទឹមនោះ មនុស្សចំនួន២២នាក់ កំពុងបាត់ខ្លួននៅទូទាំងខេត្ត និងជាច្រើននាក់ទៀតរងរបួស។ ក្រុមអ្នកជួយសង្គ្រោះ បានរៀបរាប់ពីផលលំបាក ក្នុងការធ្វើដំណើរទៅកាន់តំបន់ភ្នំ ខណៈភ្លៀងនៅតែបន្តធ្លាក់។

អ្នកនាំពាក្យប៉ូលិស បានប្រាប់កាសែត Annapurna Post ថា “យើងបានដាក់ពង្រាយមន្ត្រីប៉ូលិស។ យើងបានរៀបចំឧទ្ធម្ភាគចក្រសម្រាប់ជួយសង្គ្រោះពីតំបន់ Surkhet”។
អាជ្ញាធរសង្គ្រោះបន្ទាន់របស់ប្រទេសនេប៉ាល់បាននិយាយថា នៅតំបន់មួយចំនួននៃខេត្តនេះ ទឹកទន្លេ Karnali បានហក់ឡើងដល់កម្ពស់ជាង ១២ម៉ែត្រ។ ស្ពានជាច្រើន ក៏ត្រូវទឹកជន់លិចផងដែរ។

គួរបញ្ជាក់ថា ប្រទេសនេប៉ាល់ ជិតឈានដល់ចុងរដូវមូសុងរបស់ខ្លួនហើយ ដែលជាធម្មតាចាប់ផ្តើមនៅក្នុងខែមិថុនា និងបញ្ចប់នៅក្នុងខែតុលា។
យោងតាមមជ្ឈមណ្ឌលប្រតិបត្តិការសង្គ្រោះបន្ទាន់ជាតិ, មនុស្ស១១០នាក់ បានស្លាប់នៅឆ្នាំនេះ ក្នុងគ្រោះមហន្តរាយដែលទាក់ទងនឹងភ្លៀងធ្លាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ បាក់ដី និងទឹកជំនន់នៅ វៀតណាម បណ្តាលឲ្យមានអ្នកស្លាប់ និងបាត់ខ្លួន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ