ព័ត៌មានអន្ដរជាតិ

តុលាការ មីយ៉ាន់ម៉ា កាត់ទោសលោកស្រី អ៊ុងសាន ស៊ូជី ឲ្យជាប់ពន្ធនាគារបន្ថែមទៀត

បានផុស

២ years មុន

នៅ

ថ្ងៃពុធ ១២ តុលា ២០២២

ដោយ

តុលាការមីយ៉ាន់ម៉ាដែលគ្រប់គ្រងដោយយោធាបានកាត់ទោសលោកស្រី អ៊ុងសាន ស៊ូជី ឲ្យជាប់ពន្ធនាគាររយៈពេល ៣ ឆ្នាំបន្ថែមទៀត ដោយនាំឲ្យលោកស្រីជាប់ពន្ធនាគារសរុបឡើងដល់ ២៦ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរងការចោទប្រកាន់ពីបទទទួលសំណូករួចហើយ, តុលាការយោធាមីយ៉ាន់ម៉ានៅថ្ងៃពុធនេះបានរកឃើញថាអតីតមេដឹកនាំជាប់ឆ្នោតដែលត្រូវបណ្ដេញចេញវ័យ ៧៧ ឆ្នាំរូបនេះមានពិរុទ្ធជនពីបទពុករលួយចំនួន ២ ករណីបន្ថែមទៀត ហើយបានកាត់ទោសលោកស្រីឲ្យជាប់ពន្ធនាគារចំនួន ៣ ឆ្នាំលើគ្រប់ករណីនីមួយៗ ។

ពាក់ព័ន្ធនឹងបញ្ហានេះដែរ លោកស្រី អ៊ុងសាន ស៊ូជី បានហៅការចោទប្រកាន់មកលើលោកស្រីថា មិនសមហេតុផល និងបានបដិសេធរាល់ការប្រព្រឹត្តខុសទាំងអស់ ។

គួរបញ្ជាក់ថា បច្ចុប្បន្នលោកស្រីកំពុងត្រូវបានឃុំខ្លួនក្នុងរដ្ឋធានីណៃពីដោ ហើយការកាត់ទោសរបស់លោកស្រីត្រូវបានធ្វើឡើងនៅក្នុងតុលាការបិទជិត ខណៈលោកស្រីក៏កំពុងស្ថិតក្នុងការកាត់ទោសចំពោះបទពុករលួយចំនួន ៥ ផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ NHK ផ្សាយថា កម្ពុជា នឹងមិនអញ្ជើញមេដឹកនាំយោធា មីយ៉ាន់ម៉ា ចូលរួមកិច្ចប្រជុំកំពូលអាស៊ាននោះទេ