ព័ត៌មានអន្ដរជាតិ

ស្ត្រី ឡាវ ដែលគេសម្លាប់ញាត់ក្នុងវ៉ាលិសបណ្ដែតទន្លេមេគង្គ ជាប្រធានក្រុមហ៊ុនអចលនទ្រព្យ

បានផុស

២ years មុន

នៅ

ថ្ងៃសុក្រ ១៤ តុលា ២០២២

ដោយ

ចំពោះករណីប្រទះឃើញសពស្ត្រីជនជាតិឡាវម្នាក់ដែលត្រូវបានគេសម្លាប់រួចយកសាកសពញាត់ក្នុងវ៉ាលិសបោះចូលក្នុងទន្លេមេគង្គ, សកម្មជននយោបាយឡាវលោក Joseph Akarawong បាននិយាយថា ស្ត្រីដែលស្លាប់នោះ គឺជាប្រធានក្រុមហ៊ុនអចលនទ្រព្យដ៏ធំម្នាក់នៅក្នុងប្រទេសឡាវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៩ ខែកញ្ញា មានករណីឃាតកម្មមួយលើស្រ្តីជនជាតិឡាវម្នាក់ត្រូវបានគេសម្លាប់រួចយកសាកសពញាត់ក្នុងវ៉ាលិសបោះចូលក្នុងទន្លេមេគង្គ ហើយបន្ទាប់មកសាកសពបានរសាត់ក្នុងទន្លេមេគង្គខាងភាគីថៃ នៅខេត្តណាក់ខនភ្នំ ខណៈក្រោយមកសាកសពនោះត្រូវគេស្គាល់ថា ជាស្ត្រីមានឈ្មោះ វិផាផន កនស៊ីន (Viphaphone Kornsin) អាយុ ៣៦ ឆ្នាំ ជាអ្នកជំនួញផ្នែកអចលនទ្រព្យ ។

ពាក់ព័ន្ធករណីឃាតកម្មនេះ សមត្ថកិច្ចជំនាញកំពុងធ្វើការស៊ើបអង្កេតនៅឡើយ ប៉ុន្តែថាតើនឹងមានសន្និសីទសារព័ត៌មានបកស្រាយពីដំណើរការស៊ើបអង្កេតឬអត់នោះ នៅមិនទាន់ដឹងនៅឡើយទេ ពីព្រោះនេះជាករណីដែលបង្កការភ្ញាក់ផ្អើល និងបង្កការភ័យខ្លាចក្នុងសង្គម ដែលធ្វើឲ្យប្រជាជនឡាវជាច្រើនតាមដានចំពោះអំពើឃាតកម្មនេះ ហើយទទូចឲ្យសមត្ថកិច្ចពន្លឿនការដោះស្រាយករណីឃាតកម្មនេះ និងតាមចាប់ខ្លួនជនដៃដល់មកផ្តន្ទាទោសតាមច្បាប់ឲ្យបានឆាប់ផងដែរ ។

ចំពោះករណីឃាតកម្មលើស្ត្រីអ្នកជំនួញឈ្មោះ វិផាផន កនស៊ីន(Wipapon Konsin) នេះដែរ អាចប្រហែលបង្កឡើងពីជម្លោះក្នុងជំនួញ ដោយអ្នកស្លាប់អាចត្រូវបានអ្នកដែលបាត់បង់ផលប្រយោជន៍អាជីវកម្ម ជួលជនដៃដល់ឲ្យចាប់ខ្លួន រួចសម្លាប់យ៉ាងព្រៃផ្សៃតែម្តង ៕

ប្រែសម្រួលដោយ ៖ គង់ សំអាន

ប្រភព ៖ Prachatai

ចុចអាន ៖ ខេត្តឈៀងម៉ៃ នឹងធ្វើតេស្តរកសារធាតុញៀនលើមន្ត្រីប៉ូលិសទាំងអស់ ក្រោយការសម្លាប់រង្គាល