Connect with us

ព័ត៌មានអន្ដរជាតិ

វៀតណាម ជួបព្យុះមួយទៀត ខណៈថៃ ក៏រងឥទ្ធិពល

បានផុស

នៅ

ប្រព័ន្ធសម្ពាធទាបមួយ បានប្រែក្លាយទៅជាព្យុះ ដែលកំពុងធ្វើដំណើរចេញពីទីក្រុង Da Nang ឆ្ពោះទៅកាន់ខេត្ត Quang Ngai នៃប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមមជ្ឈមណ្ឌលជាតិសម្រាប់ការព្យាករណ៍ឧតុនិយម បានឲ្យដឹងថា ក្នុងនាមជាព្យុះទី៥ ដែលកកើតនៅសមុទ្រខាងកើតក្នុងឆ្នាំនេះ, ព្យុះនេះស្ថិតនៅចម្ងាយ៣៥០គីឡូម៉ែត្រ ពីទីក្រុង Da Nang នៅម៉ោង១រសៀល ជាមួយកម្លាំងខ្យល់អតិបរមា ៧៤គីឡូម៉ែត្រក្នុងមួយម៉ោង។

ត្រឹមម៉ោង៧ព្រឹកថ្ងៃអាទិត្យ ព្យុះនេះត្រូវបានគេព្យាករថា នឹងថមថយឥទ្ធិពលលើឆ្នេរសមុទ្រពី Da Nang និងខេត្ត Quang Ngai ហើយមានខ្យល់បក់ក្នុងល្បឿន ៣៩ ទៅ ៦១គីឡូម៉ែត្រក្នុងមួយម៉ោង។

ភ្លៀងធ្លាក់ខ្លាំង និងរលកសមុទ្រកម្ពស់ដល់ទៅប្រាំមួយម៉ែត្រ ត្រូវបានព្យាករនៅតាមតំបន់ឆ្នេរដ៏ពេញនិយម។

ព្យុះនេះ ក៏ជះឥទ្ធិពលដល់ប្រទេសថៃផងដែរ ដោយភ្លៀងធ្លាក់ខ្លាំង ត្រូវបានគេរំពឹងថា នឹងកើតមាននៅភាគឦសានចាប់ពីថ្ងៃសុក្រនេះទៅ។

លោក Chomparee Chompurat អគ្គនាយកនៃនាយកដ្ឋានឧតុនិយមថៃ បាននិយាយថា ចំហាយរបស់ព្យុះនេះ នឹងបណ្តាលឲ្យមានភ្លៀងធ្លាក់ខ្លាំងនៅក្នុងខេត្តភាគឦសានដូចជា Amnat Charoen, Buri Ram, Chaiyaphum, Kalasin, Khon Kaen, Maha Sarakham, Mukdahan, Roi Et, Si Saket, Surin, Ubon Ratchathani និង Yasothon ចាប់ពីថ្ងៃសុក្រដល់ថ្ងៃសៅរ៍។

ប្រជាពលរដ្ឋក្នុងខេត្តទាំងនេះ ត្រូវបានព្រមានឲ្យត្រៀមលក្ខណៈសម្រាប់ជំនន់ទឹកភ្លៀង និងទឹកហូរចុះពីលើភ្នំ៕

ប្រែសម្រួល៖ Vann Vann

ប្រភព៖ VN Express, Bangkok Post

ចុចអាន៖ ព្យុះ ណូរុ ឆក់យកជីវិតមនុស្សនៅ ថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៩ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៧ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៩ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៨ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ១៩ ម៉ោង មុន

អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ 

Sokha Hotels

ព័ត៌មានពេញនិយម