ព័ត៌មានអន្ដរជាតិ
ទឹកជំនន់នៅអូស្រ្តាលី កាន់តែអាក្រក់ ខណៈមនុស្សរាប់ពាន់នាក់ ត្រូវជម្លៀស
ទឹកជំនន់នៅទូទាំងភាគអាគ្នេយ៍ប្រទេសអូស្ត្រាលី បានបង្កឲ្យមានការជម្លៀសប្រជាជនរាប់ពាន់នាក់ និងបង្កើនក្តីព្រួយបារម្ភអំពីការផ្គត់ផ្គង់ស្បៀងអាហាររបស់ប្រទេសនេះ។

ខណៈភ្លៀងនៅតែបន្តធ្លាក់ពាសពេញតំបន់ភាគអាគ្នេយ៍កាលពីថ្ងៃចន្ទទី១៧ខែតុលា អាជ្ញាធរបានព្រមានថា ផ្ទះចំនួន ៣៤០០០ខ្នង នៅក្នុងរដ្ឋ Victoria អាចនឹងត្រូវទឹកជន់លិច។
ទឹកជំនន់ក៏កំពុងប៉ះពាល់ដល់រដ្ឋ New South Wales និង Tasmania ផងដែរ បន្ទាប់ពីមានភ្លៀងធ្លាក់ក្នុងកម្រិតលើសពីមធ្យម។

អំឡុងពេលចុះទៅតំបន់រងផលប៉ះពាល់ក្នុងរដ្ឋ New South Wales កាលពីថ្ងៃចន្ទ, លោកនាយករដ្ឋមន្ត្រី Anthony Albanese បាននិយាយថា ប្រទេសអូស្ត្រាលី កំពុងប្រឈមមុខនឹង ពេលវេលាដ៏គ្រោះថ្នាក់ ពីទឹកជំនន់ដ៏ខ្លាំងដែលកំពុងប៉ះពាល់ដល់ផ្លូវថ្នល់ កសិដ្ឋាន និងហេដ្ឋារចនាសម្ព័ន្ធ។ លោកបានព្រមានប្រជាពលរដ្ឋ ឲ្យស្តាប់ការព្រមានពីអាជ្ញាធរ ក្នុងការជម្លៀសខ្លួនចេញមុននឹងត្រូវលិចលង់ដោយជំនន់ទឹកភ្លៀង។

ក្នុងរដ្ឋ Victoria, ទឹកជំនន់ត្រូវបានគេជឿថា បានបង្កការខូចខាតគិតជាទំហំទឹកប្រាក់រាប់រយលានដុល្លារដល់ផ្ទះ កសិដ្ឋាន និងអាជីវកម្ម។ កងកម្លាំងការពារអូស្ត្រាលីជាង ១០០ នាក់ត្រូវបានបញ្ជូនទៅកាន់រដ្ឋនេះ ដើម្បីជួយដល់ការជម្លៀស និងការច្រកខ្សាច់ដាក់បាវ ទប់ទឹក។
ទឹកជំនន់ ក៏បានប៉ះពាល់ដល់ផ្នែកខ្លះនៃទីក្រុង Melbourne ដែលជាទីក្រុង មានប្រជាជនច្រើនជាងគេលំដាប់ទីពីររបស់អូស្ត្រាលីផងដែរ ហើយបានធ្វើឲ្យទីក្រុងនៅភាគខាងជើងរដ្ឋ Victoria ត្រូវជាប់គាំង៕
ប្រែសម្រួល៖ Vann Vann
ប្រភព៖ Straits Times
ចុចអាន៖ ទឹកជំនន់ សម្លាប់មនុស្ស ២៨នាក់ នៅរដ្ឋ Kentucky របស់ អាមេរិក

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?