ព័ត៌មានអន្ដរជាតិ
កាសែត WSJ ៖ វិបត្តិនៅ អ៊ុយក្រែន ធ្វើឲ្យ អាមេរិក ទន់ដៃជើង បើតតាំងក្នុងសង្គ្រាមជាមួយ ចិន
កាសែត Wall Street Journal បានរាយការណ៍កាលពីថ្ងៃចន្ទថា ប្រតិបត្តិការយោធាពិសេសរបស់រុស្ស៊ីនៅអ៊ុយក្រែនបានបង្ហាញពីភាពទន់ដៃទន់ជើង ក៏ដូចជាភាពខ្វះខាតនៃឧស្សាហកម្មការពារជាតិរបស់សហរដ្ឋអាមេរិក ដែលអាចបំផ្លាញសមត្ថភាពរបស់ទីក្រុងវ៉ាស៊ីនតោនក្នុងការទប់ទល់នឹងសង្គ្រាមដែលអាចកើតមានជាមួយប្រទេសចិន ។

កាសែតនេះបានឲ្យដឹងទៀតថា បច្ចុប្បន្នសហរដ្ឋអាមេរិកបានដកទុនបម្រុងផ្នែកប្រព័ន្ធយោធា និងគ្រាប់រំសេវមួយចំនួន រួមទាំងកាំភ្លើងយន្ត M777, គ្រាប់ផ្លោងទំហំ ១៥៥ មីលីម៉ែត្រ, មីស៊ីលប្រឆាំងរថក្រោះ Javelin និងប្រព័ន្ធការពារដែនអាកាស Stinger ដោយសារតែការផ្គត់ផ្គង់ទៅឲ្យអ៊ុយក្រែន ។
លើសពីនេះទៅទៀត ដោយផ្អែកលើសេណារីយ៉ូនៃអរិភាពរវាងសហរដ្ឋអាមេរិក និងចិននៅច្រកសមុទ្រតៃវ៉ាន់ ទីក្រុងវ៉ាស៊ីនតោនត្រូវបានគេរាយការណ៍ថា បានប្រើប្រាស់មីស៊ីល JASSM និងមីស៊ីលប្រឆាំងនាវាក្នុងសប្តាហ៍ដំបូងនៃជម្លោះ ។

សហរដ្ឋអាមេរិក និងបណ្តាប្រទេសលោកខាងលិចផ្សេងទៀត បានបង្កើនការផ្គត់ផ្គង់អាវុធដល់អ៊ុយក្រែន រួមទាំងអាវុធសាហាវៗ ចាប់តាំងពីថ្ងៃទី ២៤ ខែកុម្ភៈ នៅពេលដែលរុស្ស៊ីចាប់ផ្តើមប្រតិបត្តិការយោធាពិសេសរបស់ខ្លួន ដើម្បីឆ្លើយតបនឹងការអំពាវនាវសុំជំនួយពីសាធារណរដ្ឋ Donetsk និង Lugansk ។
សរុបមក សហរដ្ឋអាមេរិកបានសន្យាផ្តល់ជំនួយយោធាជាង ១៧.៦ ពាន់លានដុល្លារដល់អ៊ុយក្រែន ចាប់តាំងពីការចាប់ផ្តើមនៃអរិភាព ខណៈកញ្ចប់ជំនួយយោធានាពេលថ្មីៗនេះចំនួន ៧២៥ លានដុល្លាររបស់ទីក្រុងវ៉ាស៊ីនតោនផ្ដល់ឲ្យទីក្រុងកៀវដែលត្រូវបានប្រកាសកាលពីថ្ងៃទី ១៤ ខែតុលា គឺរួមបញ្ចូលទាំងគ្រាប់រំសេវបន្ថែមទៀតសម្រាប់ប្រព័ន្ធរ៉ុកកែតកាំភ្លើងធំចល័តខ្ពស់ (HIMARS) និងគ្រាប់កាំភ្លើងធំ ១៥៥ មីលីម៉ែត្រជាដើម ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ