ព័ត៌មានអន្ដរជាតិ
បាងកក បិទសាលាទាំងអស់២សប្តាហ៍ព្រោះស្ថានការណ៍កាន់តែធ្ងន់ធ្ងរ
រាជធានីបាងកករបស់ប្រទេសថៃនឹងបិទសាលារៀនទាំងអស់រយៈពេល២សប្តាហ៍បន្ទាប់ពីថ្ងៃឈប់សម្រាកចូលឆ្នាំសកលខណៈខ្លួនរឹតបន្តឹងវិធានការដើម្បីគ្រប់គ្រងរលកថ្មីនៃជំងឺរាតត្បាតកូវីដ១៩។
នៅថ្ងៃសុក្រនេះ ប្រទេសថៃបានបញ្ជាក់ថាមានករណីឆ្លងថ្មីចំនួន២៧៩ករណីដោយភាគច្រើនជាប់ទាក់ទងទៅនឹងចង្កោមចម្លងក្នុងចំណោមពលករចំណាកស្រុកនៅខេត្ត សាមុត សាខន ភាគខាងត្បូងទីក្រុងបាងកកនិងចង្កោមមួយទៀតដែលទាក់ទងទៅនឹងវង់ល្បែងស៊ីសងខុសច្បាប់នៅក្នុងខេត្ត Rayong។
ចង្កោមថ្មីទាំងនេះបានចាប់ផ្តើមរាលដាលចូលទីក្រុងបាងកកដែលជាហេតុជំរុញឲ្យរដ្ឋបាលទីក្រុងរឹតបន្តឹងវិធានការដើម្បីទប់ស្កាត់ការរីករាលដាលនៃមេរោគ។
លោក Pongsakorn Kwanmuang អ្នកនាំពាក្យរដ្ឋបាលក្រុងបាងកកបាននិយាយថា “យើងចាប់ផ្តើមរកឃើញករណីថ្មីដែលជាប់ទាក់ទងទៅនឹងសិស្សនិងអាជីវកម្ម សេវាកម្មផ្សេងៗ។ ដូច្នេះយើងបានសម្រេចបិទកន្លែងបន្ថែមទៀត”។
លោកបន្តថា សាលារៀន មណ្ឌលថែទាំកុមារនិងមនុស្សចាស់ សាលាមត្តេយ្យនិងមជ្ឈមណ្ឌលបង្រៀនទាំងអស់នឹងត្រូវបិទចាប់ពីថ្ងៃទី៤ដល់១៧ខែមករាខណៈទីតាំងសាធារណៈផ្សេងទៀតរួមមានឧទ្យានកម្សាន្ត សួនកុមារ កន្លែងងូតទឹកសាធារណៈនិងកន្លែងម៉ាស្សានឹងត្រូវបិទចាប់ពីថ្ងៃសៅរ៍ស្អែកនេះទៅ។
លោក Pongsakorn ក៏បាននិយាយផងដែរថា ទីក្រុងកំពុងពិចារណាលើការរឹតត្បិតលើការញ៉ាំអាហារនៅតាមភោជនីយដ្ឋានប៉ុន្តែបានលើកឡើងថា មានតម្រូវការពិភាក្សាបន្ថែមទៀតជាមួយក្រុមការងារពិសេសកូវីដ១៩នៅថ្ងៃសៅរ៍នេះ។
ប្រទេសថៃបានបញ្ជាក់ថា មានករណីឆ្លងជំងឺកូវីដ១៩ថ្មីចំនួន២៧៩ករណីនិងមានអ្នកស្លាប់ថ្មីចំនួន២នាក់នៅថ្ងៃសុក្រទី១ខែមករានេះ។
តួលេខថ្មីនេះបានធ្វើឲ្យចំនួនអ្នកឆ្លងសរុបកើនដល់៧,១៦៣ករណីនិងចំនួនអ្នកស្លាប់កើនដល់៦៣នាក់ចាប់តាំងពីការផ្ទុះឡើងនៃជំងឺរាតត្បាតនេះបានចាប់ផ្តើមកាលពីខែមករា។
ភាគច្រើននៃករណីថ្មីគឺជាការចម្លងក្នុងសហគមន៍ខណៈ៦ករណីគឺជាការនាំចូលពីក្រៅប្រទេស៕
ប្រែសម្រួលដោយ៖ Vann Vann
ប្រភព៖ Reuters
ចុចអាន៖ ថៃ អនុញ្ញាតឲ្យពលករគ្មានឯកសារមកពី៣ប្រទេសធ្វើការដោយស្របច្បាប់រយៈពេល២ឆ្នាំ ក្នុងនោះមានកម្ពុជាផងដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង