ព័ត៌មានអន្ដរជាតិ
របាយការណ៍ថ្មី៖ អ៊ីរ៉ង់ យល់ព្រមផ្គត់ផ្គង់មីស៊ីល និងដ្រូន បន្ថែមទៀត ទៅឲ្យ រុស្ស៊ី (មានវីដេអូ)
យោងតាមរបាយការណ៍ថ្មីមួយបានឲ្យដឹងថា ប្រទេសអ៊ីរ៉ង់ បានឈានដល់កិច្ចព្រមព្រៀងជាមួយរុស្ស៊ី ដើម្បីផ្គត់ផ្គង់មីស៊ីលបាញ់ចេញពីដីគោក និងយន្តហោះគ្មានមនុស្សបើកបន្ថែមទៀត រួមទាំងដ្រូនប្រភេទ “kamikaze” ដែលវាយប្រហារប្រទេសអ៊ុយក្រែន ក្នុងរយៈពេលប៉ុន្មានថ្ងៃថ្មីៗនេះផងដែរ។

យោងតាម Reuters, កិច្ចព្រមព្រៀងមួយ ត្រូវបានឈានដល់នៅថ្ងៃទី ៦ខែតុលា ពេលដែលអនុប្រធានាធិបតីទីមួយរបស់អ៊ីរ៉ង់ លោក Mohammad Mokhber, មន្ត្រីជាន់ខ្ពស់ពីររូបមកពីកងឆ្មាំបដិវត្តន៍ដ៏មានឥទ្ធិពលរបស់អ៊ីរ៉ង់ និងមន្ត្រីម្នាក់មកពីក្រុមប្រឹក្សាសន្តិសុខជាតិកំពូល បានទៅបំពេញទស្សនកិច្ចនៅទីក្រុងមូស្គូ ដើម្បីពិភាក្សាជាមួយរុស្ស៊ីអំពីការចែកចាយសព្វាវុធ។
Reuters បានដកស្រង់សម្តីមន្ត្រីអ៊ីរ៉ង់ម្នាក់ ដែលបាននិយាយក្នុងដំណើរទស្សនកិច្ចនោះថា “រុស្ស៊ីបានស្នើសុំដ្រូនបន្ថែមទៀត និងមីស៊ីលផ្លោង ជាពិសេសគ្រួសារមីស៊ីល Fateh និង Zolfaghar”។
មីស៊ីលរយៈចម្ងាយខ្លីទាំងពីរនេះ មានសមត្ថភាពបាញ់ចំគោលដៅនៅចម្ងាយ ៣០០ គីឡូម៉ែត្រ និង ៧០០ គីឡូម៉ែត្រ។

ទោះបីជាយ៉ាងណាក៏ដោយ អ៊ីរ៉ង់កាលពីថ្ងៃអង្គារ បានបដិសេធម្តងហើយម្តងទៀតចំពោះការលក់យន្តហោះដ្រូនទៅឲ្យរុស្ស៊ី ហើយបានអំពាវនាវឲ្យមានកិច្ចពិភាក្សាជាមួយអ៊ុយក្រែនដើម្បី ដោះស្រាយការចោទប្រកាន់នេះ។
ប៉ុន្តែទន្ទឹមគ្នានេះ ទីក្រុងតេហេរ៉ង់អះអាងថា ខ្លួនមានសិទ្ធិពេញលេញក្នុងការលក់អាវុធទៅបរទេស ចាប់តាំងពីការរឹតបន្តឹងលើការលក់អាវុធ ដែលមានចែងនៅក្នុងកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ បានផុតកំណត់ទៅហើយកាលពីឆ្នាំ២០២០។
យ៉ាងណាក្តី សហរដ្ឋអាមេរិក បារាំង និងចក្រភពអង់គ្លេសបាននិយាយថា ការលក់មីស៊ីល នឹងបំពានលើកិច្ចព្រមព្រៀងនុយក្លេអ៊ែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Guardian, Reuters, Hill
ចុចអាន៖ តើដ្រូន Kamikaze របស់អ៊ីរ៉ង់ ដែលរុស្ស៊ី ប្រើដើម្បីវាយប្រហារទីក្រុង កៀវ អស្ចារ្យកម្រិតណា?

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ