ព័ត៌មានអន្ដរជាតិ
ថៃ លែងឲ្យញ៉ាំអាហារនិងមើលទស្សនាវដ្តីតាមជើងហោះហើរក្នុងស្រុកដើម្បីបញ្ឈប់ការរីករាលដាលជំងឺកូវីដ
ប្រទេសថៃបានហាមឃាត់សេវាកម្មម្ហូបអាហារនិងទស្សនាវដ្តីនៅលើជើងហោះហើរក្នុងស្រុកក្នុងគោលបំណងបញ្ឈប់ការរីករាលដាលនៃវីរុសកូរ៉ូណា។
បម្រាមនេះបានកើតឡើងនៅពេលដែលប្រទេសថៃបានកត់ត្រាការស្លាប់ថ្មីចំនួនពីរនាក់ពីជំងឺកូវីដ១៩កាលពីថ្ងៃសុក្រដោយធ្វើឲ្យចំនួនអ្នកឆ្លងសរុបកើនដល់៧,១៦៣នាក់និងចំនួនអ្នកស្លាប់កើនដល់៦៣នាក់ចាប់តាំងពីខែមករាមក។
អាជ្ញាធរអាកាសចរណ៍ស៊ីវិលថៃបានឲ្យដឹងថា ក្រុមហ៊ុនអាកាសចរណ៍ណាដែលមិនគោរពតាមបទប្បញ្ញត្តិថ្មីនេះនឹងប្រឈមការពិន័យពីនិយតករ។
កន្លងមកប្រទេសថៃបានដាក់បម្រាមដូចគ្នានេះលើសេវាកម្មម្ហូបអាហារនិងភេសជ្ជៈអំឡុងពេលហោះហើរចាប់ពីថ្ងៃទី២៦ខែមេសាដល់ថ្ងៃទី៣១ខែសីហាឆ្នាំ២០២០។
ការប្រើប្រាស់អាហារឬភេសជ្ជៈណាមួយត្រូវហាមឃាត់ក្រោមច្បាប់ថ្មីនេះបើទោះបីជាអ្នកដំណើរនាំយកអាហារសម្រន់ទៅដោយខ្លួនឯងក៏ដោយ។
យ៉ាងណាក្តី ការកម្សាន្តតាមជើងហោះហើររួមទាំងសៀវភៅនិងទស្សនាវដ្តីនៅតែត្រូវបានអនុញ្ញាតប្រសិនបើអ្នកដំណើរយករបស់របរទៅលើយន្តហោះដោយខ្លួនឯង។
នៅក្នុងសេចក្តីថ្លែងការណ៍ដែលទទួលបានដោយ CNN លោក Chula Sukmanop អគ្គនាយកអាជ្ញាធរអាកាសចរណ៍ស៊ីវិលថៃ (CAAT) បាននិយាយថា “ពេលវេលាសម្អាតបន្ទាប់ពីការឈប់ចតរបស់ជើងហោះហើរក្នុងស្រុកនីមួយៗគឺខ្លីណាស់ពីព្រោះប្រតិបត្តិករចង់ធ្វើការប្តូរវេនឲ្យបានលឿនបំផុតតាមដែលអាចធ្វើទៅបានហើយខ្ញុំគិតថា វាមិនទំនងថាប្រតិបត្តិករនឹងអាចសម្អាតវត្ថុទាំងអស់នោះបានហ្មត់ចត់ឡើយ។ ហេតុដូច្នេះហើយ ការមានសម្ភារៈអានដែលមិនចាំបាច់នៅលើយន្តហោះអាចបង្កឲ្យមានហានិភ័យខ្ពស់នៃការឆ្លងរោគ៕
ប្រែសម្រួលដោយ៖ Vann Vann
ប្រភព៖ Daily Mail
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង