ព័ត៌មានអន្ដរជាតិ
មានប្រទេស១០ហើយ ដែលកុម្ម៉ង់ទិញវ៉ាក់សាំងកូវីដរបស់ចិន
ប៉ាគីស្ថាននិងហុងគ្រីស្ថិតក្នុងចំណោមបណ្តាប្រទេសដែលកម្ម៉ង់ទិញវ៉ាក់សាំងការពារវីរុសកូរ៉ូណាពីប្រទេសចិនខណៈនិយតករចិនបានអនុម័តការចាក់វ៉ាក់សាំងកូវីដលើកដំបូងរបស់ប្រទេស។
វ៉ាក់សាំងដែលត្រូវបានបង្កើតឡើងដោយក្រុមហ៊ុន Sinopharm ក្រោមការគ្រប់គ្រងរបស់រដ្ឋត្រូវបានអនុម័តសម្រាប់ការប្រើប្រាស់តាមលក្ខខណ្ឌកាលពីថ្ងៃព្រហស្បតិ៍បន្ទាប់ពីបានរាយការណ៍អំពីប្រសិទ្ធភាព៧៩ភាគរយប្រឆាំងនឹងជំងឺកូវីដ១៩នៅក្នុងលទ្ធផលបណ្តោះអាសន្ន។
យោងតាមក្រុមអ្នកវិភាគបានឲ្យដឹងថា ការអនុម័តនេះគឺជាព្រឹត្តិការណ៍ដ៏សំខាន់មួយសម្រាប់ទីក្រុងប៉េកាំងដែលបានអនុវត្តផែនការរបស់ខ្លួនដើម្បីធ្វើឲ្យវ៉ាក់សាំងរបស់ខ្លួនក្លាយជាផលប្រយោជន៍សាធារណៈ។
យ៉ាងហោចណាស់មានប្រទេសចំនួន១០នៅអាមេរិកឡាទីន មជ្ឈិមបូព៌ានិងអាស៊ីបានចុះឈ្មោះទិញវ៉ាក់សាំងពីក្រុមហ៊ុនអភិវឌ្ឍន៍វ៉ាក់សាំងរបស់ប្រទេសចិនដែលរួមបញ្ចូលទាំង Sinovac Biotech និង CanSino Biologics ផងដែរ។
ប្រទេសប៉ាគីស្ថានបានចូលរួមក្នុងបញ្ជីនេះជាមួយនឹងសេចក្តីប្រកាសមួយកាលពីថ្ងៃព្រហស្បតិ៍ដោយនិយាយថា ខ្លួនគ្រោងទិញវ៉ាក់សាំងចំនួន១.២លានដូសពីក្រុមហ៊ុន។
ហុងគ្រីក៏បានបង្ហាញចំណាប់អារម្មណ៍លើវ៉ាក់សាំងកូវីដពីប្រទេសចិនផងដែរដោយមន្ត្រីជាន់ខ្ពស់ម្នាក់បាននិយាយថា ប្រទេសនេះគ្រោងនឹងពឹងផ្អែកលើវ៉ាក់សាំងដែលទទួលបានដោយផ្ទាល់ពីប្រទេសចិនឬតាមរយៈយន្តការលទ្ធកម្មរបស់សហភាពអឺរ៉ុប។
មួយថ្ងៃមុននោះ អ៊ុយក្រែនបានចុះហត្ថលេខាលើកិច្ចសន្យាដើម្បីទិញវ៉ាក់សាំងចំនួន១.៨លានដូសពីក្រុមហ៊ុន Sinovac។ ក្រុមហ៊ុននេះមិនទាន់បានប្រកាសពីលទ្ធផលនៃការសាកល្បងជាសកលរបស់ខ្លួននៅឡើយទេប៉ុន្តែត្រូវបានផ្តល់ការអនុញ្ញាតឲ្យប្រើប្រាស់ជាបន្ទាន់នៅក្នុងប្រទេសចិនដូចក្រុមហ៊ុន Sinopharm ដែរកាលពីខែកក្កដា។
ក្រុមអ្នកសង្កេតការណ៍បាននិយាយថា តាមរយៈការផ្តល់វ៉ាក់សាំងដល់ពិភពលោកទាំងមូល ប្រទេសចិនមានឱកាសបង្កើនកេរ្តិ៍ឈ្មោះនិងភាពជាដៃគូអន្តរជាតិរបស់ខ្លួន។
វ៉ាក់សាំង Sinopharm ត្រូវបានប្រើប្រាស់រួចទៅហើយនៅក្នុងប្រទេសអារ៉ាប់រួមនិងបារ៉ែន។ ប្រទេសទាំងពីរបានផ្តល់សេវាសាកល្បងសម្រាប់វ៉ាក់សាំងនេះ។
អេហ្ស៊ីបក៏ស្ថិតក្នុងចំណោមប្រទេសដែលបានទទួលវ៉ាក់សាំង Sinopharm រួចហើយដែរ។ ក្រសួងសុខាភិបាលរបស់ខ្លួនបានចុះហត្ថលេខាលើលិខិតមួយស្តីពីកិច្ចសហប្រតិបត្តិការវ៉ាក់សាំងកូវីដជាមួយប្រទេសចិនកាលពីថ្ងៃព្រហស្បតិ៍។
រួមជាមួយប្រទេសម៉ារ៉ុក អេហ្ស៊ីបត្រូវបានគេរំពឹងថានឹងក្លាយជាមជ្ឈមណ្ឌលផលិតកម្មសម្រាប់ការចែកចាយវ៉ាក់សាំងកូវីដនៅទ្វីបអាហ្វ្រិក៕
ប្រែសម្រួលដោយ៖ Vann Vann
ប្រភព៖ SCMP
ចុចអាន៖ ចិន ប្រកាសចាក់វ៉ាក់សាំងកូវីដដល់ប្រជាជនទាំងមូលដោយមិនគិតថ្លៃ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង