Connect with us

ព័ត៌មានអន្ដរជាតិ

ចិនអះអាងពីទិន្នន័យប្រសិទ្ធភាពផ្សេងគ្នាសម្រាប់វ៉ាក់សាំងកូវីដរបស់ក្រុមហ៊ុន Sinopharm

បានផុស

នៅ

នាយកប្រតិបត្តិនៃក្រុមហ៊ុនជីវសាស្ត្រជាតិចិន (CNBG) បានប្រាប់ប្រព័ន្ធផ្សព្វផ្សាយរដ្ឋថា លទ្ធផលនៃប្រសិទ្ធភាពផ្សេងគ្នាសម្រាប់វ៉ាក់សាំងការពារជំងឺកូវីដ ១៩ របស់ចិនដែលត្រូវបានចេញផ្សាយដាច់ដោយឡែកនៅក្នុងប្រទេសចិន និងនៅអារ៉ាប់រួមគឺពិត និងត្រឹមត្រូវ ។

ប្រទេសចិនបានអនុម័តវ៉ាក់សាំងការពារជំងឺកូវីដ ១៩ របស់ក្រុមហ៊ុនសម្ព័ន្ធភាព Sinopharm សម្រាប់ការប្រើប្រាស់ទូទៅកាលពីថ្ងៃព្រហស្បតិ៍ ទី៣១ ខែធ្នូ បន្ទាប់ពីក្រុមហ៊ុនបាននិយាយថា វ៉ាក់សាំងនេះបង្ហាញពីប្រសិទ្ធភាព ៧៩.៣៤ ភាគរយផ្អែកលើការវិភាគបណ្តោះអាសន្ននៃការសាកល្បងព្យាបាលដំណាក់កាលចុងក្រោយ ។

អត្រានោះទាបជាងវ៉ាក់សាំងដដែលដែលរាយការណ៍ដោយប្រទេសអារ៉ាប់រួមកាលពីថ្ងៃទី ៩ ធ្នូ ពោលប្រទេសនេះបានអះអាងវាមានប្រសិទ្ធភាព ៨៦ ភាគរយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yang Xiaoming ប្រធានក្រុមហ៊ុន CNBG នៃសម្ព័ន្ធភាពក្រុមហ៊ុនវ៉ាក់សាំង Sinopharm បានប្រាប់សារព័ត៌មាន Global Times ថា ប្រទេសនានាមានភាពខុសប្លែកគ្នាជាក់លាក់នៃបទដ្ឋាន និងនីតិវិធីរបស់ពួកគេក្នុងការធ្វើរោគវិនិច្ឆ័យអ្នកជំងឺ ហើយលទ្ធផលចុងក្រោយនៃការកំណត់ករណីជំងឺកូវីដ ១៩ គឺខុសគ្នា ។

លោក Yang បាននិយាយថា “ហេតុដូច្នេះហើយវាមានភាពខុសគ្នារវាងទិន្នន័យពហុប្រទេសដែលយើងបានពិនិត្យមើល និងទិន្នន័យអត្រាការពារដែលត្រូវបានវាយតម្លៃដោយអារ៉ាប់រួម និងបារ៉ែន” ។

ទន្ទឹមនោះលោក Yang បាននិយាយដោយមិនផ្តល់ព័ត៌មានលម្អិតសម្រាប់ទិន្នន័យនេះថា “ប៉ុន្តែលទ្ធផលទាំងពីរនេះគឺពិត និងត្រឹមត្រូវ” ។

លោក Yang បាននិយាយថា ក្រុមហ៊ុន CNBG មិនបានចូលរួមក្នុងការវិភាគ ឬការពិនិត្យឡើងវិញនូវទិន្នន័យការសាកល្បងព្យាបាលដែលត្រូវបានចេញផ្សាយដោយនិយតករនៅក្នុងប្រទេសដែលវ៉ាក់សាំងរបស់ខ្លួនកំពុងត្រូវបានសាកល្បងនោះទេ ។

ទន្ទឹមនោះវ៉ាក់សាំងនេះដែលក៏ត្រូវបានបង្កើតឡើងដោយវិទ្យាស្ថានផលិតផលជីវសាស្ត្រក្រុងប៉េកាំងរបស់ក្រុមហ៊ុន CNBG ដែលមានមូលដ្ឋាននៅទីក្រុង Wuhan កំពុងត្រូវបានធ្វើតេស្តនៅដំណាក់កាលទី ៣ នៃការសាកល្បងព្យាបាលនៅខាងក្រៅប្រទេសចិនផងដែរ .

លោក Yang បាននិយាយថា ការសាកល្បងសម្រាប់បេក្ខជនវ៉ាក់សាំងរបស់ក្រុមហ៊ុន CNBG បានជ្រើសរើសអ្នកចូលរួមជាង ៦០,០០០ នាក់ដែលមានអាយុចន្លោះពី ១៨ ទៅ ៦០ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ មាន​ប្រទេស​១០​ហើយ ដែល​កុម្ម៉ង់​ទិញ​វ៉ាក់សាំង​កូវីដ​របស់​ចិន

ចុចអាន ៖ ចិន ប្រកាសចាក់វ៉ាក់សាំងកូវីដដល់ប្រជាជនទាំងមូលដោយមិនគិតថ្លៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម