ព័ត៌មានអន្ដរជាតិ

ណាតូ ធ្វើសមយុទ្ធហ្វឹកហាត់ប្រឆាំងអាវុធនុយក្លេអ៊ែរនៅ អឺរ៉ុប

បានផុស

២ years មុន

នៅ

ថ្ងៃពុធ ២៦ តុលា ២០២២

ដោយ

យន្តហោះជាច្រើនគ្រឿងរបស់ប្រទេសអង្គការណាតូបានចូលរួមនៅក្នុងសមយុទ្ធហ្វឹកហាត់ស្តីពីការទប់ស្កាត់អាវុធនុយក្លេអ៊ែរប្រចាំឆ្នាំរបស់សម្ព័ន្ធមិត្តយោធានៅភាគពាយព្យអឺរ៉ុប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បញ្ជាការអាកាសរបស់អង្គការណាតូបាននិយាយកាលពីថ្ងៃអង្គារថា “សមយុទ្ធរបស់អង្គការណាតូដែលមានឈ្មោះថា “Stadfast Noon” គឺជាសកម្មភាពហ្វឹកហ្វឺនប្រចាំឆ្នាំ និងមានការចូលរួមពីប្រទេសចំនួន ១៤ និងយន្តហោះជាង ៦០ ប្រភេទផ្សេងៗគ្នា” ។

ទន្ទឹមនោះ យន្តហោះដឹកប្រេង និងយន្តហោះចម្បាំងជំនាន់ទី៤ និងទី៥ ក៏កំពុងចូលរួមក្នុងសមយុទ្ធនេះផងដែរ ដែលបានចាប់ផ្តើមនៅថ្ងៃទី១៧ ខែតុលា និងដំណើរការរហូតដល់ថ្ងៃទី៣០ ខែតុលា ។

ស្របពេលជាមួយគ្នានេះ អគ្គលេខាធិការអង្គការណាតូ លោក Jens Stoltenberg បាននិយាយថា សមយុទ្ធប្រចាំឆ្នាំដែលបានគ្រោងទុកជាយូរមកនោះ នឹងធានាដល់សមត្ថភាពនុយក្លេអ៊ែររបស់សម្ព័ន្ធភាពនៅតែមានសុវត្ថិភាព ខ្លាំងក្លា និងមានប្រសិទ្ធភាព ។

ជាចុងក្រោយលោកអគ្គលេខាធិការបានបញ្ជាក់ថា “ការធ្វើសមយុទ្ធនេះ គឺជាមធ្យោបាយកំញើញដើម្បីទប់ស្កាត់ការវាយប្រហារណាមួយលើសម្ព័ន្ធមិត្តណាតូ ក៏ដូចជាដើម្បីរក្សាសន្តិភាពក្នុងតំបន់ជាដើម” ៕