មនុស្សយ៉ាងហោច ១៤៩នាក់បានស្លាប់ ក្នុងឧបទ្ទវហេតុរត់ជាន់គ្នា ពេលកំពុងប្រារព្ធពិធិបុណ្យ Halloween នៅទីក្រុងសេអ៊ូល

មនុស្សយ៉ាងហោចណាស់ចំនួន ១៤៩នាក់ ដែលភាគច្រើនជាក្មេងជំទង់ និងយុវវ័យអាយុ ២០ឆ្នាំ ត្រូវបានស្លាប់នៅក្នុងហេតុការណ៍រត់ជាន់គ្នា ពេលកំពុងប្រារព្ធពិធីបុណ្យ Halloween ក្នុងតំបន់កម្សាន្តពេលរាត្រីនៃរដ្ឋធានីសេអ៊ូលរបស់កូរ៉េខាងត្បូង កាលពីវេលាម៉ោងជិត១១ នាយប់ថ្ងៃសៅរ៍ ម្សិលមិញនេះ។

ក្រុមមន្ត្រី បានឱ្យដឹងថា ការប្រារព្ធពិធីបុណ្យ Halloween ដ៏ធំលើកដំបូងរបស់ប្រទេសកូរ៉េខាងត្បូង បានប្រែក្លាយទៅជាសោកនាដកម្ម នៅពេលមនុស្ស ១៤៩នាក់បានស្លាប់ ខណៈកំពុងដើរលេងជប់លៀងឆ្លងកាត់ផ្លូវតូចចង្អៀតក្បែរក្លឹបកម្សាន្ត ក្នុងទីក្រុងសេអ៊ូល។

ពេលនេះអាជ្ញាធរកំពុងស៊ើបអង្កេតពីមូលហេតុពិតប្រាកដដែលបណ្តាលឲ្យឧបទ្ទវហេតុកើតឡើង ស្របពេលដែលការសន្និដ្ឋានបឋមរបស់លោក Choi Seong-bum ប្រធាននាយកដ្ឋានពន្លត់អគ្គីភ័យ បាននិយាយថា វាគឺជា “ឧបទ្ទហេតុការរត់ជាន់គ្នា” បណ្ដាលឱ្យនុស្សជាច្រើនបានដួលរណូករណែល និងរងរបួសយ៉ាងតិច ៧៦នាក់។ យ៉ាងណាមិញ មន្ត្រីសង្គ្រោះបន្ទាន់ បានជួយមនុស្សយ៉ាងហោចណាស់ ៨១នាក់ ប៉ុន្តែមនុស្ស ១៤៩នាក់ ត្រូវបានស្លាប់៕

ប្រែសម្រួល៖ សន្យា

ប្រភព៖ CNN