មនុស្ស​ ១០​នាក់​ បាន​ស្លាប់ និង​ជាង ​២០​នាក់ រង​របួស ​ក្នុង​ហេតុការណ៍បំ​ផ្ទុះ​ នៅ​ប្រទេសអ៊ីរ៉ាក់

មនុស្ស ១០នាក់បានស្លាប់ និងជាង ២០នាក់បានរងរបួសនៅក្នុងការផ្ទុះមួយនៅភាគខាងកើតទីក្រុងបាកដាដ ប្រទេស អ៊ីរ៉ាក់ កាលពីថ្ងៃសៅរ៍ទី២៩ ខែតុលា ឆ្នាំ២០២២ ។ នេះបើយោងតាមប្រភពពីសន្តិសុខ និងវេជ្ជសាស្ត្រនៅក្នុងប្រទេស។

ប្រភពពីសន្តិសុខបានឱ្យដឹងថា ហេតុកាណ៍នេះបានកើតឡើងនៅក្នុងយានដ្ឋានមួយក្បែរកីឡដ្ឋានបាល់ទាត់ និងហាងកាហ្វេ ដែលឧបករណ៍បំផ្ទុះបានតភ្ជាប់ទៅនឹងរថយន្ត ហើយនាំឱ្យមានការផ្ទុះធុងហ្គាសមួយទៀតដែលនៅជិតនោះ។ ដោយឡែកចំពោះជនរងគ្រោះភាគច្រើនគឺជាអ្នកស្ម័គ្រចិត្តលេងបាល់ទាត់នៅក្នុងកីឡដ្ឋានក្នុងសង្កាត់របស់ពួកគេ។

សេចក្តីថ្លែងការណ៍របស់យោធាបាននិយាយថា ឡានដឹកហ្គាសមួយគ្រឿងបានផ្ទុះនៅក្នុងយានដ្ឋានមួយក្នុងទីក្រុងបាកដាដភាគខាងកើត ដែលបណ្តាលឱ្យមានអ្នកស្លាប់ និងរបួសជាច្រើននាក់ ហើយកងកម្លាំងសន្តិសុខកំពុងស៊ើបអង្កេតមូលហេតុនៃការផ្ទុះនេះ ដោយមិនបានផ្តល់ព័ត៌មានលម្អិតបន្ថែមនោះទេ៕

ប្រែសម្រួល៖ សន្យា

ប្រភព៖ Reuters

ចុចអាន៖ មនុស្សយ៉ាងហោច ១៤៩នាក់បានស្លាប់ ក្នុងឧបទ្ទវហេតុរត់ជាន់គ្នា ពេលកំពុងប្រារព្ធពិធិបុណ្យ Halloween នៅទីក្រុងសេអ៊ូល