ចិន អាចប្រើឥទ្ធិពលរបស់ខ្លួនជាមួយ រុស្ស៊ី ដើម្បីទប់ស្កាត់សង្គ្រាមនុយក្លេអ៊ែរ

ចម្ងល់ដែលសួរថា តើពូទីននឹងប្រើអាវុធនុយក្លេអ៊ែរនៅអ៊ុយក្រែនដែរទេ? ជាសំណួរដែលមានមនុស្សរាប់លាននាក់ចាប់អារម្មណ៍ខ្លាំង មិនត្រឹមតែចំពោះទីក្រុង កៀវ និងអឺរ៉ុបប៉ុណ្ណោះទេ សូម្បីប្រទេសចិនក៏កំពុងផ្ដោតលើរឿងនេះផងដែរ។

អត្ថបទអត្ថាធិប្បាយមួយ​ដែលចុះផ្សាយដោយប្រព័ន្ធផ្សព្វផ្សាយ Reuters បាននិយាយថា តាំងពីដើមមកទល់ពេលនេះទីក្រុងប៉េកាំងមានការប្រុងប្រយ័ត្នខ្លាំងមួយរវាងរុស្ស៊ី ដែលជាដៃគូយុទ្ធសាស្ត្ររបស់ខ្លួន និងអ៊ុយក្រែន ដែលជាដៃគូពាណិជ្ជកម្មដ៏សំខាន់។ ក្នុងអំឡុងកិច្ចប្រជុំកំពូល Samarkand ក្នុងខែកញ្ញា លោក វ្ល៉ាឌីមៀរ ពូទីន បានថ្លែងអំណរគុណដល់ចិនសម្រាប់ “ជំហរអព្យាក្រឹត” របស់ខ្លួនលើជម្លោះអ៊ុយក្រែន។

ប៉ុន្តែ​ប្រសិន​បើ​ក្រុង​ម៉ូស្គូ​សម្រេច​ប្រើ​អាវុធ​នុយក្លេអ៊ែរ​យុទ្ធសាស្ត្រ​ប្រឆាំង​នឹង​អ៊ុយក្រែន ចិន​មិន​អាច​រក្សា​ជំហរ​បែប​នេះ​ទៀត​ទេ។ សេចក្តីថ្លែងការណ៍រួមរវាងទីក្រុងប៉េកាំង និងទីក្រុង កៀវ កាលពីខែធ្នូ ឆ្នាំ២០១៣ បានព្រមព្រៀងគ្នាថា ប្រទេសចិននឹងមិនប្រើប្រាស់ ឬគម្រាមប្រើប្រាស់អាវុធនុយក្លេអ៊ែរប្រឆាំងនឹងអ៊ុយក្រែនឡើយ ហើយសំខាន់ជាងនេះទៅទៀត ចិននឹងផ្តល់ការធានាសន្តិសុខក្នុងករណីមានការគំរាមកំហែងបែបនេះពីភាគីទីបី៕

ប្រែសម្រួល៖ សន្យា

ប្រភព៖ CNA

ចុចអាន៖ រុស្ស៊ី ថា ចប់ហើយ ចំពោះការកែនទ័ពបម្រុងចំនួន ៣០ ម៉ឺននាក់

ចុចអាន៖ ដឹងទេ បាញ់មីស៊ីលម្តង កូរ៉េខាងជើង ចំណាយអស់ប៉ុន្មាន?