ព័ត៌មានអន្ដរជាតិ
លោក Lula da Silva ជាប់ឆ្នោតជាប្រធានាធិបតីប្រេស៊ីល ក្រោយឈ្នះគូប្រជែង ទាំងប៉ផុតប៉ផើយ (មានវីដេអូ)
លោក Luiz Inácio Lula da Silva បានជាប់ឆ្នោតជាប្រធានាធិបតីថ្មី របស់ប្រទេសប្រេស៊ីល នៅក្នុងការវិលត្រលប់ដ៏គួរឲ្យភ្ញាក់ផ្អើល បន្ទាប់ពីការប្រកួតប្រជែងដ៏តឹងតែងកាលពីថ្ងៃអាទិត្យទី៣០ខែតុលា។

បើយោងតាមអាជ្ញាធរបោះឆ្នោតរបស់ប្រទេសប្រេស៊ីលបានបង្ហាញថា លោក Lula da Silva បានយកឈ្នះលើលោក Jair Bolsonaro យ៉ាងប៉ផុតប៉ផើយបំផុត ជាមួយសំឡេងឆ្នោត៥០,៩០% ទល់នឹង ៤៩,១០%។
ជ័យជម្នះរបស់គាត់ បង្ហាញពីការផ្លាស់ប្តូរមុខមាត់នយោបាយសម្រាប់ប្រទេសធំបំផុតនៅអាមេរិកឡាទីន បន្ទាប់ពីការកាន់កាប់ដោយរដ្ឋបាលស្តាំនិយមរបស់លោក Jair Bolsonaro រយៈពេល៤ឆ្នាំ។

ជ័យជម្នះរបស់អ្នកនយោបាយអាយុ៧៦ឆ្នាំរូបនេះ តំណាងឲ្យការវិលត្រលប់របស់ក្រុមឆ្វេងនិយម ក្នុងអំណាចរបស់ប្រទេសប្រេស៊ីល ហើយជាការវាយបករបស់លោក Lula da Silva បន្ទាប់ពីមានការចោទប្រកាន់ជាបន្តបន្ទាប់ពាក់ព័ន្ធអំពើពុករលួយ ដែលនាំឲ្យគាត់ជាប់ពន្ធនាគាររយៈពេល៥៨០ថ្ងៃ។ ក្រោយមកទោសនេះត្រូវបានតុលាការកំពូលលុបចោល ហើយត្រួសត្រាយផ្លូវឲ្យគាត់ឈរឈ្មោះបោះឆ្នោតឡើងវិញ។
លោក Lula da Silva ដែលត្រូវបានគេរំពឹងថានឹងចូលកាន់តំណែងនៅថ្ងៃទី ១ខែមករា នឹងត្រូវគ្រប់គ្រងប្រទេសមួយ ដែលកំពុងញាំញីដោយវិសមភាព។

មនុស្សប្រមាណ ៩.៦លាននាក់ បានធ្លាក់ក្រោមបន្ទាត់នៃភាពក្រីក្រចន្លោះឆ្នាំ ២០១៩ ដល់ឆ្នាំ ២០២១ ហើយអត្រាអក្ខរកម្ម និងអត្រាចូលរៀនបានធ្លាក់ចុះ។ គាត់ក៏នឹងត្រូវប្រឈមមុខជាមួយនឹងប្រទេសដែលមានការប្រេះស្រាំយ៉ាងខ្លាំង និងបញ្ហាបរិស្ថានជាបន្ទាន់ រួមទាំងការកាប់បំផ្លាញព្រៃឈើដ៏ច្រើនសន្ធឹកសន្ធាប់នៅក្នុងតំបន់ព្រៃ អាម៉ាហ្សូន ផងដែរ។
គួរបញ្ជាក់ថា នេះនឹងក្លាយជាអាណត្តិទីបីរបស់គាត់ បន្ទាប់ពីធ្លាប់គ្រប់គ្រងប្រទេសប្រេស៊ីលពីរអាណត្តិជាប់គ្នាចន្លោះឆ្នាំ ២០០៣ ដល់ឆ្នាំ ២០១០៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNN
ចុចអាន៖ ប្រធានាធិបតីប្រេស៊ីល និយាយថា មានផែនការបញ្ចប់ជម្លោះ រុស្ស៊ី-អ៊ុយក្រែន

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?