លោក Zelensky ឲ្យពិភពលោកជួយការពារច្រករបៀងគ្រាប់ធញ្ញជាតិ អ៊ុយក្រែន​

ប្រធានាធិបតីអ៊ុយក្រែនលោក Volodymyr Zelensky បានជំរុញឲ្យសហគមន៍អន្តរជាតិធ្វើការបន្ថែមទៀត ដើម្បីការពារច្រករបៀងដឹកជញ្ជូនគ្រាប់ធញ្ញជាតិ ដើម្បីធានាឲ្យបានការដឹកជញ្ជូនស្បៀងអាហារចេញពីអ៊ុយក្រែនដោយសុវត្ថិភាព ។

លោក Zelensky បាននិយាយកាលពីពេលថ្មីៗនេះថា ច្រករបៀង គឺត្រូវការការពារយូរអង្វែងទៀត ​ ហើយលោកក៏អរគុណដល់ប្រទេសតួកគី និងអង្គការសហប្រជាជាតិ (UN) ដែលជាអ្នកសម្របសម្រួលនៃកិច្ចព្រមព្រៀង ដើម្បីអនុញ្ញាតឲ្យមានការដឹកជញ្ជូនគ្រាប់ធញ្ញជាតិ និងជី ។

លោកប្រធានាធិបតីបានបន្ថែមទៀតថា  រុស្ស៊ីត្រូវតែដឹងយ៉ាងច្បាស់ពីលទ្ធផលនៃការរំខានដល់ការនាំចេញអាហាររបស់អ៊ុយក្រែន នោះគឺអាយុជីវិតប្រជាជនរាប់លាននាក់ ត្រូវបានស្លាប់ ។

ទាក់ទិននឹងបញ្ហានេះដែរ លោកប្រធានាធិបតីរុស្ស៊ី Vladimir Putin បានប្រាប់សមភាគីតួកគីលោក Recep Tayyip Erdogan ថា លោកនឹងពិចារណាចូលរួមឡើងវិញនូវកិច្ចព្រមព្រៀងសំខាន់ៗដែលស្ថិតនៅក្រោមការធានាសន្តិសុខពីទីក្រុងកៀវ​ បន្ទាប់ពីទីក្រុងមូស្គូបានផ្អាកការចូលរួម ជុំវិញការវាយប្រហារដោយយន្តហោះដ្រូននៅតំបន់គ្រីមៀ ៕

ប្រែសម្រួលដោយ ៖ នាង រតនៈ

ប្រភព ៖ Al Jazeera

ចុចអាន ៖ ហេតុអ្វីលោក Biden បាត់ខឹងលោក Zelensky ពេលកំពុងនិយាយទូរស័ព្ទ?