យន្តហោះទួរគី ត្រូវចុះចតជាបន្ទាន់ដោយសារសត្វបក្សី

យន្ដហោះដឹកទំនិញរបស់ក្រុមហ៊ុនអាកាសចរណ៍ទួរគី (THY) ដែលកំពុងធ្វើដំណើពីទីក្រុងអ៊ីស្តង់ប៊ុលឆ្ពោះទៅកាន់ទីក្រុង Almaty របស់ប្រទេសកាហ្សាក់ស្ថានបានធ្វើការចុះចតជាបន្ទាន់នៅក្នុងទីក្រុងអ៊ីស្តង់ប៊ុលខណៈពេលដែលវាបានជួបប្រទះហ្វូងសត្វស្លាប ភ្លាមៗក្រោយពេលហោះចេញពីអាកាសយានដ្ឋាន Ataturk។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្ដហោះនេះបានហោះចេញពីអាកាសយានដ្ឋាន Ataturk ក្នុងទីក្រុងអ៊ីស្តង់ប៊ុលនៅម៉ោង៨និង៤០នាទីព្រឹកថ្ងៃអាទិត្យ។ ការិយាល័យព័ត៌មានរបស់ THY បាននិយាយនៅក្នុងសេចក្តីថ្លែងការណ៍មួយថា ខណៈពេលកំពុងហោះហើរ យន្តហោះដឹកទំនិញធុន B777-F បានប្រទះសត្វបក្សីមួយហ្វូងដែលជាហេតុធ្វើឲ្យខូចខាតដល់មុខយន្តហោះ។

យន្តហោះបានចុះចតនៅអាកាសយានដ្ឋាន Ataturk បន្ទាប់ពីបានចំណាយពេលអស់រយៈពេលប្រហែលកន្លះម៉ោង បង្ហូរប្រេងនៅលើសមុទ្រ Marmara ដើម្បីទុកទម្ងន់ជាក់លាក់សម្រាប់ការចុះចតបន្ទាន់៕

ប្រែសម្រួលដោយ៖ Vann Vann

ប្រភព៖ Anadolu