កូរ៉េខាងជើង បាញ់មីស៊ីល រំលងប្រទេសជប៉ុន បង្កឲ្យមានការប្រកាសអាសន្ន  

ប្រទេសកូរ៉េខាងជើង បានបាញ់នូវអ្វីដែលគេមើលឃើញថាជាមីស៊ីលរយៈចម្ងាយឆ្ងាយមួយគ្រាប់ នៅព្រឹកថ្ងៃព្រហស្បតិ៍ទី០៣ខែវិច្ឆិកានេះ ជាហេតុជំរុញឲ្យមានការប្រកាសអាសន្នដ៏កម្រ ពីប្រព័ន្ធព្រមានគ្រាអាសន្ន J-Alert របស់ប្រទេសជប៉ុន ដែលគ្របដណ្តប់លើខេត្ត Niigata, Yamagata និង Miyagi។

មីស៊ីល​នេះ បានហោះ​រំលងប្រទេស​ជប៉ុន ហើយ​ឆ្មាំ​សមុទ្រ​ជប៉ុន​​និយាយ​ថា វា​បាន​ធ្លាក់​នៅ​កន្លែង​មួយ​ ក្នុង​មហាសមុទ្រ​ប៉ាស៊ីហ្វិក​នៅ​ម៉ោង​ប្រហែល ៨ និង ១០ នាទី​ព្រឹក (ម៉ោងនៅ ជប៉ុន)។

ប្រព័ន្ធ J-Alert បាន​ព្រមាន​ប្រជាជន​ក្នុង​ខេត្ត​ដែលប៉ះពាល់ ឲ្យរត់រកកន្លែងសុវត្ថិភាព ឬ​នៅ​ក្រោមដី ហើយរដ្ឋាភិបាលបាន​ស្នើ​ឲ្យ​ប្រជាពលរដ្ឋ​ តាម​ដាន​រាល់​វត្ថុ​សង្ស័យ។

គួរបញ្ជាក់ថា ការបាញ់បង្ហោះនៅថ្ងៃព្រហស្បតិ៍នេះ បានធ្វើឡើងបន្ទាប់ពីការបាញ់បង្ហោះ មិនធ្លាប់មានពីមុនមកកាលពីថ្ងៃពុធ រួមទាំងការបាញ់មីស៊ីលដែលធ្លាក់នៅជិតដែនទឹកកូរ៉េខាងត្បូងផងដែរ៕

ប្រែសម្រួល៖ Vann Vann

ប្រភព៖ JT

ចុចអាន៖ ក្តៅគគុក! កូរ៉េទាំង២ បាញ់មីស៊ីលដាក់គ្នា