លោក Netanyahu ឈ្នះការបោះឆ្នោត ក្លាយជានាយករដ្ឋមន្ត្រី អ៊ីស្រាអែល (មានវីដេអូ)

លោក Benjamin Netanyahu នឹង​ក្លាយ​ជា​នាយក​រដ្ឋមន្ត្រី​បន្ទាប់​របស់ប្រទេស​អ៊ីស្រាអែល​។ នេះ​បើ​យោង​តាមលទ្ធផលឆ្នោត ​ដែលបញ្ចេញ​កាល​ពី​ថ្ងៃ​ព្រហស្បតិ៍​ទី០៣ខែវិច្ឆិកា ដោយ​គណៈកម្មាធិការ​រៀបចំ​ការ​បោះឆ្នោត​​របស់​ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករដ្ឋមន្ត្រីបច្ចុប្បន្នលោក Yair Lapid បានហៅទូរស័ព្ទទៅគូប្រជែងរបស់គាត់ ដើម្បីទទួលស្គាល់បរាជ័យ ហើយសន្យាថានឹងមានការផ្ទេរអំណាចប្រកបដោយរបៀបរៀបរយ។

លទ្ធផលបឋមបង្ហាញថា សម្ព័ន្ធរបស់លោក Netanyahu ទទួលបានអាសនៈចំនួន៦៤ ក្នុងចំណោម១២០អាសនៈរបស់សភា ខណៈសម្ព័ន្ធរបស់លោក Lapid ប្រមូលបានតែ៥១ប៉ុណ្ណោះ។

លោក Netanyahu គឺជានាយករដ្ឋមន្ត្រីកាន់តំណែងបានរយៈពេលយូរជាងគេបំផុតរបស់អ៊ីស្រាអែល ជាមួយនឹងការកាន់អំណាចបានជាង ១៥ឆ្នាំ។

ការកាន់អំណាចរយៈពេល១២ឆ្នាំរបស់គាត់ បានបញ្ចប់កាលពីខែឧសភា ឆ្នាំ២០២១ នៅពេលអតីតជំនួយការរបស់គាត់ឈ្មោះ Naftali Bennett បានចូលរួមជាមួយលោក Lapid ដើម្បីបង្កើតសំឡេងភាគច្រើន។

គួរបញ្ជាក់ថា ការបោះឆ្នោតកាលពីថ្ងៃអង្គារ គឺជាការបោះឆ្នោតលើកទីប្រាំរបស់ប្រទេសអ៊ីស្រាអែលក្នុងរយៈពេលត្រឹម៤ឆ្នាំ ដោយសារតែការជាប់គាំងសភាម្តងហើយម្តងទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន​៖ អ៊ីស្រាអែល រំលាយសភា ហើយឈានទៅរកការបោះឆ្នោតលើកទី៥ ក្នុងរយៈពេល មិនដល់ ៤ឆ្នាំ