អតីតនាយករដ្ឋមន្ត្រីប៉ាគីស្ថាន ចោទមនុស្ស៣នាក់ ពាក់ព័ន្ធផែនការធ្វើឃាតគាត់ 

នៅថ្ងៃសៅរ៍ទី០៥ខែវិច្ឆិកានេះ អតីតនាយករដ្ឋមន្ត្រីប៉ាគីស្ថាន លោក Imran Khan បានចោទប្រកាន់អ្នកស្នងតំណែងរបស់គាត់ថា ជាប់ពាក់ព័ន្ធក្នុងផែនការសម្លាប់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Khan បានប្រាប់អ្នកសារព័ត៌មានថា លោក Shehbaz Sharif ដែលជំនួសតំណែងគាត់ជានាយករដ្ឋមន្ត្រី ក្រោយការបោះឆ្នោតសម្តែងសេចក្តីមិនទុកចិត្តកាលពីខែមេសា គឺជាប់ពាក់ព័ន្ធក្នុងផែនការដែលរួមដៃជាមួយរដ្ឋមន្ត្រីក្រសួងមហាផ្ទៃ Rana Sanaullah និងមេបញ្ជាការកងទ័ពជាន់ខ្ពស់មួយរូបទៀត។

លោក Khan បាននិយាយនៅក្នុងការបង្ហាញខ្លួនជាសាធារណៈលើកដំបូង ចាប់តាំងពីការវាយប្រហារកាលពីថ្ងៃព្រហស្បតិ៍ថា “អ្នកទាំងបីបានសម្រេចចិត្តសម្លាប់ខ្ញុំ ហើយខ្មាន់កាំភ្លើងពីរនាក់មានជាប់ពាក់ព័ន្ធក្នុងរឿងនេះ”។

ទោះបីជាយ៉ាងណាក៏ដោយ រដ្ឋាភិបាលបានបដិសេធចំពោះការចូលរួមណាមួយ ហើយបានស្តីបន្ទោសការប៉ុនប៉ងធ្វើឃាតនេះ ទៅលើខ្មាន់កាំភ្លើងសាសនាជ្រុលនិយម។

គួរបញ្ជាក់ថា ការវាយប្រហារលើក្បួនរថយន្តរបស់លោក Khan ដែលសម្លាប់បុរសម្នាក់ និងរបួសយ៉ាងតិច១០នាក់ បានបង្កើនភាពតានតឹងនៅក្នុងវិបត្តិនយោបាយដែលបានញាំញីប្រទេសអាស៊ីខាងត្បូងមួយនេះ ចាប់តាំងពីការបណ្តេញលោក Khan ក្នុងខែមេសាមក៕

ប្រែសម្រួល៖ Vann​ Vann

ប្រភព៖ CNA

ចុចអាន៖ ខ្មាន់កាំភ្លើង ប្រាប់មូលហេតុដែលខ្លួនប៉ុនប៉ងធ្វើឃាត អតីតនាយករដ្ឋមន្ត្រីប៉ាគីស្ថាន