ព័ត៌មានអន្ដរជាតិ
ផ្ទាំងទឹកកកទាំងអស់នៅ អាហ្វ្រិក នឹងរលាយបាត់ពីផែនដីក្នុងឆ្នាំ ២០៥០
អង្គការ UNESCO បាននិយាយនៅក្នុងរបាយការណ៍មួយដែលបានបោះពុម្ពផ្សាយកាលពីពេលថ្មីៗនេះថា កំពូលផ្ទាំងទឹកកក Kilimanjaro ក៏ដូចជាផ្ទាំងទឹកកកអាហ្វ្រិកផ្សេងទៀតទាំងអស់ រួមជាមួយនឹងផ្ទាំងទឹកកកនៅលើភ្នំប្រទេសកេនយ៉ា នឹងរលាយបាត់ពីផែនដីនៅឆ្នាំ ២០៥០ ។

របាយការណ៍ដែលបានបោះពុម្ពផ្សាយ មុនសន្និសីទស្តីពីការប្រែប្រួលអាកាសធាតុរបស់អង្គការសហប្រជាជាតិឆ្នាំ ២០២២ (COP27) បានឲ្យដឹងទៀតថា ផ្ទាំងទឹកកកផ្សេងទៀតដែលនឹងរលាយបាត់រួមមាន ផ្ទាំងទឹកកកខ្ពស់បំផុតរបស់ពិភពលោកដែលនៅជាប់នឹងភ្នំ Everest និងផ្ទាំងទឹកកកដែលវែងជាងគេនៅរដ្ឋ Alaska ជាដើម ។
អង្គការ UNESCO បាននិយាយថា “ទោះយ៉ាងណា ពីរភាគបីនៃផ្ទាំងទឹកកកទាំងនោះ អាចជួយសង្គ្រោះបាន ប្រសិនបើការកើនឡើងសីតុណ្ហភាពពិភពលោក មិនលើសពី ១.៥ អង្សាសេ បើប្រៀបធៀបទៅនឹងសម័យមុនឧស្សាហកម្ម ខណៈការបាត់ខ្លួនបន្តិចម្តងៗនៃផ្ទាំងទឹកកកនេះ គឺជាភស្តុតាងដ៏ជាក់លាក់បំផុតដែលបង្ហាញថា អាកាសធាតុផែនដីកំពុងឡើងកំដៅ” ។

យោងតាមសេចក្តីថ្លែងការណ៍បានបញ្ជាក់ថា ផ្ទាំងទឹកកកប្រហែល ១៨,៦០០ ត្រូវបានចាត់ទុកថា ជាផ្នែកមួយនៃតំបន់បេតិកភណ្ឌពិភពលោកចំនួន ៥០ របស់អង្គការសហប្រជាជាតិ រួមទាំងកន្លែងនៅក្នុងឧទ្យានជាតិ Yellowstone របស់សហរដ្ឋអាមេរិក, តំបន់ Dolomites នៃប្រទេសអ៊ីតាលី និងទន្លេ Three Parallel នៃតំបន់ Yunnan របស់ប្រទេសចិន ។
ទន្ទឹមនោះ អង្គការ UNESCO ក៏បានចង្អុលបង្ហាញថា ពាក់កណ្តាលនៃមនុស្សជាតិ គឺពឹងផ្អែកលើផ្ទាំងទឹកកកដែលបម្រើជាប្រភពទឹក ។ លើសពីនេះទៅទៀត ផ្ទាំងទឹកកកមានសារៈសំខាន់សម្រាប់ប្រភេទផ្សេងៗនៃប្រព័ន្ធអេកូឡូស៊ី ជាពិសេសមានសារៈសំខាន់ចំពោះជីវចម្រុះ ។

គួរបញ្ជាក់ថា Kilimanjaro គឺជាកំពូលភ្នំខ្ពស់បំផុតនៅទ្វីបអាហ្រ្វិក និងជាកន្លែងទេសចរណ៍ដ៏ពេញនិយមបំផុតមួយរបស់ពិភពលោក ដែលទាក់ទាញអ្នកឡើងភ្នំជាង ៣៥,០០០ នាក់ក្នុងមួយឆ្នាំ ប៉ុន្តែនាពេលថ្មីៗនេះ ជម្រាលភ្នំត្រូវបានរងផលប៉ះពាល់ដោយភ្លើងឆេះព្រៃ ដែលបណ្ដាលមកពីគ្រោះរាំងស្ងួត ទាក់ទងនឹងការឡើងកម្ដៅផែនដី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តារាវិទូ រកឃើញអាចម៍ផ្កាយ ដែលនឹងហោះមកបុក ផែនដី (មានវីដេអូ)

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ