ព័ត៌មានអន្ដរជាតិ

បក្សប្រឆាំង បារាំង ថា អាមេរិក កំពុងធុញលោក Zelensky

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

មេដឹកនាំគណបក្សបារាំង Patriots បាននិយាយក្នុងថ្ងៃនេះថា សហរដ្ឋអាមេរិកមានការធុញទ្រាន់នឹងប្រធានាធិបតីអ៊ុយក្រែនលោក Volodymyr Zelensky ហើយនឹងឈប់គាំទ្រភ្លាមៗ នៅពេលដែលទីក្រុងវ៉ាស៊ីនតោនលែងត្រូវការរដ្ឋាភិបាលទីក្រុងកៀវ ជាឈ្នាន់របស់ខ្លួន។

**មេដឹកនាំគណបក្សបារាំង លោក Florian Philippot**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Florian Philippot ដែលមេដឹកនាំគណបក្សប្រឆាំងបារាំង Patriots បាននិយាយនៅលើ Twitter ថា “រដ្ឋាភិបាលអាមេរិកចាប់ផ្ដើមធុញទ្រាន់នឹង Zelensky ហើយកំពុងស្នើសុំឲ្យគាត់ចរចាជាមួយរុស្ស៊ី។ នៅពេលដែលសហរដ្ឋអាមេរិកលែងត្រូវការ រដ្ឋាភិបាលទីក្រុងកៀវជាឈ្នាន់របស់ខ្លួន នោះនឹងកម្ចាត់គាត់ដូចរាល់ដង!”

ដោយឡែក កាលពីថ្ងៃសៅរ៍ ប្រព័ន្ធផ្សព្វផ្សាយរបស់សហរដ្ឋអាមេរិក បានរាយការណ៍ដោយដកស្រង់ប្រភពថា រដ្ឋបាលរបស់ប្រធានាធិបតីអាមេរិក លោក Joe Biden កំពុងស្នើសុំជាឯកជនដល់ថ្នាក់ដឹកនាំអ៊ុយក្រែន ដើម្បីបង្ហាញពីការត្រៀមខ្លួន ក្នុងការចរចាជាមួយទីក្រុងមូស្គូ។

ប្រភពដដែលបាននិយាយទៀតថា សំណើនេះមិនមានបំណងជំរុញអ៊ុយក្រែនទៅកាន់តុចរចានោះទេ ប៉ុន្តែដើម្បីធានាថារដ្ឋាភិបាលនៅទីក្រុងកៀវ រក្សាការគាំទ្រពីប្រទេសផ្សេងទៀត ដែលប្រឈមមុខនឹងការព្រួយបារម្ភរបស់ពលរដ្ឋអំពីរយៈពេលនៃជម្លោះនៅអ៊ុយក្រែន។

គួរបញ្ជាក់ដែរថា នៅដើមខែតុលា លោក Zelensky បានចុះហត្ថលេខាលើក្រឹត្យស្ដីពីការអនុវត្តសេចក្ដីសម្រេចរបស់ក្រុមប្រឹក្សាសន្តិសុខជាតិ និងការពារជាតិអ៊ុយក្រែន ស្ដីពីភាពមិនអាចទៅរួចនៃការជួបពិភាក្សាជាមួយប្រធានាធិបតីរុស្ស៊ី លោក Vladimir Putin ៕

ប្រែសម្រួល៖ សាង ស្រីល័ក្ខ

ប្រភព៖ Sputnik

ចុចអាន៖រូបភាពពីផ្កាយរណបឃើញរថភ្លើង កូរ៉េខាងជើង ចេញពីប្រទេស សង្ស័យដឹកអាវុធទៅឲ្យ រុស្ស៊ី