ព័ត៌មានអន្ដរជាតិ

ឆេះក្លឹបរាត្រីនៅ រុស្ស៊ី ស្លាប់ ១៣ នាក់ ខណៈជនសង្ស័យ ទើបវិលពីសង្គ្រាម អ៊ុយក្រែន (មានវីដេអូ)

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

មនុស្ស ១៣ នាក់បានស្លាប់ បន្ទាប់ពីអគ្គីភ័យឆាបឆេះនៅក្លឹបរាត្រីមួយនៅភាគខាងលិចនៃប្រទេសរុស្ស៊ី កាលពីថ្ងៃសៅរ៍ ខណៈអាជ្ញាធរបានឃាត់ខ្លួនបុរសអាយុ ២៣ ឆ្នាំម្នាក់ ដែលគេរាយការណ៍ថា ត្រឡប់ពីសង្គ្រាមក្នុងប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីរាយការណ៍បានបញ្ចាក់ថា អគ្គីភ័យបានកើតឡើងនៅក្លឹបរាត្រីមួយ ក្នុងទីក្រុង Kostroma ចម្ងាយប្រហែល ៣០០ គីឡូម៉ែត្រភាគឦសាននៃទីក្រុងម៉ូស្គូ។ ក្រោយមក សមត្ថកិច្ចស៊ើបអង្កេតនិយាយថា ជនសង្ស័យបានបាញ់កាំភ្លើងដែលទំនងជាអណ្ដាតភ្លើង ហើយទីបំផុតភ្លើងបានរាលដាលដល់ពិតានដែលមានគ្រឿងតុបតែង។

ទន្ទឹមនឹងនោះដែរ ទីភ្នាក់ងារសារព័ត៌មាន Tass ដែលគ្រប់គ្រងដោយរដ្ឋបាននិយាយថា បុរសនោះបានសារភាពចំពោះការចោទប្រកាន់នេះ ហើយសាច់ញាតិរបស់ជនសង្ស័យបានប្រាប់សារព័ត៌មានក្នុងស្រុកថា បុរសនោះបានត្រឡប់មកពីសមរភូមិក្នុងប្រទេសអ៊ុយក្រែនវិញ បន្ទាប់ពីរងរបួសកាលពីខែសីហា៕