ព័ត៌មានអន្ដរជាតិ

រុស្ស៊ី បណ្ដេញមេបញ្ជាការ ខណៈសង្គ្រាម អ៊ុយក្រែន នៅតែអូសបន្លាយពេល

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

យោងតាមសេចក្តីរាយការណ៍បញ្ជាក់ថា រុស្ស៊ីបានបណ្តេញមេបញ្ជាការយោធាម្នាក់ចេញ ខណៈសង្គ្រាមអ៊ុយក្រែន នៅតែអូសបន្លាយពេល ដើម្បីដណ្តើមយកទឹកដីដែលកាន់កាប់មកវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិអង់គ្លេស បាននិយាយនៅក្នុងបច្ចុប្បន្នភាពព័ត៌មានសម្ងាត់កាលពីថ្ងៃអាទិត្យថា ការបណ្តេញមេបញ្ជាការយោធាជាន់ខ្ពស់របស់រុស្ស៊ី តាមសេចក្ដីរាយការណ៍ថា បានធ្វើឡើងបន្ទាប់ពីការដកតំណែងឧត្តមសេនីយ៍ផ្សេងទៀតដែរ។

ប្រភពដដែលបានបញ្ជាក់ទៀតថា មេបញ្ជាការត្រូវបានគេរិះគន់យ៉ាងខ្លាំង ចំពោះការបំពេញការងាររបស់គាត់មិនល្អ និងទទួលបរាជ័យក្នុងការសម្រេចបាននូវគោលបំណងសមរភូមិរុស្ស៊ី។ ក្រសួងបានបន្ថែមថា “នេះជាផ្នែកមួយទំនងជាការប៉ុនប៉ងដើម្បីបញ្ឆេះ និងបង្វែរការស្តីបន្ទោសពីថ្នាក់ដឹកនាំជាន់ខ្ពស់រុស្ស៊ីនៅក្នុងផ្ទះ”។

ដោយឡែក មេដឹកនាំគាំទ្ររុស្ស៊ីនៅទីក្រុង Kherson បាននិយាយនៅលើប្រព័ន្ធផ្សព្វផ្សាយសង្គម កាលពីថ្ងៃអាទិត្យថា កងកម្លាំងអ៊ុយក្រែនកំពុងដាក់ពង្រាយរថក្រោះ និងធនធានផ្សេងទៀតនៅជុំវិញតំបន់។ ទន្ទឹមនឹងនេះ កងកម្លាំងរុស្ស៊ីបន្តវាយប្រហារទីក្រុងភាគខាងត្បូង និងភាគខាងកើតអ៊ុយក្រែន៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖យោធាអ៊ុយក្រែនថា រុស្ស៊ី ធ្វើជាដកទ័ពចេញពី Kherson ដើម្បីទាក់ទាញកងកម្លាំងកៀវ